दोश्रो बजारमा करेक्सन देखियो, हेरौं आजको बजार विश्लेषण ( प्राविधिक विश्लेषणसहित )

२९ पुष, काठमाडाैं । निरन्तर ३ दिनदेखि आक्रामक रुपमा वृद्धि भएको शेयरबजारमा आज भने करेक्सन देखिएको छ । आज नेप्से परिसूचकमा ७ दशमलव ४८ अंकको गिरावट देखिएको छ । बजार परिसूचक नेप्से  ० दशमवल ५९ प्रतिशतले घटेको छ । बजार १२६३ दशमवल ३८ को विन्दुमा बन्द भएको छ । निकै आक्रामक रुपमा वृद्धि भएको बजारमा आज केही घट्नुलाई विश्लेषकले सामान्य रुपमा लिएका छन् ।

कारोवार रकम पनि कम हुँदाहुँदै १ अर्ब २ करोड पुगेको छ । आज १८३ कम्पनीका ३७ लाख ६६ हजार कित्ता शेयर खरिदबिक्री भएको छ । कारोवार रकम मध्य प्रभु बैंकको ११ करोड ४३ लाख बराबरको संस्थापक शेयर खरिदबिक्री भएको छ । यसको आधारमा हिजोको तुलनामा कारोवार रकम निकै घटेको देखिन्छ । करेक्सनको समय कारोवार रकम घट्नुलाई त्यति नराम्रो मानिदैन ।

आज ट्रेडिङ्ग कम्पनीको उपसुचकमा सर्वाधिक ९ दशमलव १५ प्रतिशतको वृद्धि देखिएको छ । आज ट्रेडिङ्ग, होटल, विकास बैंक, फाइनान्स र अन्य उपसुचकमा मात्र वृद्धि देखिएको छ । आज बजारलाई ड्राईभ गर्ने वाणिज्य बैंकको उपसुचकमा शुन्य दशमलव ९२ प्रतिशतको गिरावट देखिएको छ ।

आज बजारको शुरुवाती चरणमा निकै राम्रो उतारचढाव देखिएको थियो । आज बजारले ११ बजेर ७ मिनेटमा उच्च विन्दु समातेको थियो बिहान ११ बजेर २७ मिनेटमा बजारले न्यून विन्दु समातेको थियो । आज बजारको उच्च विन्दु १२७४ दशमलव ८७ थियो भने न्यून विन्दु १२५४ दशमलव ३० रहेको छ ।

रैरांग हाईड्रोपावरको शेयर मूल्य सर्वाधिक १० प्रतिशतले वृद्धि भएकोमा दिव्याश्वोरी हाईड्रोपावरको शेयर मूल्य सर्वाधिक ८ दशमलव ६२ प्रतिशतले घटेको छ । आज प्रभु बैंकको सस्थापक शेयर सर्वाधिक खरिदबिक्री भएको छ । प्रभु बैंकको एक्लै ११ करोड ४३ लाख बराबरको सस्थापक शेयर खरिदबिक्री भएको छ ।

प्राविधिक विश्लेषण :

मुख्य प्रतिरोध : १२८५ पहिलो टेवा : १२५०

• हाल नेप्से गत सातादेखि बढ्दो प्रवृत्तिमा रहेको छ र बजार हाल केहि सच्चिरहेको देखिन्छ ।  अघिल्लो कारोबार दिनभन्दा ० दशमलब ५९ प्रतिशतले घटेको छ ।
• आज नेप्सेले वियरिस मैनबत्तीको चित्र बनाएको छ । यसले आज बजारमा विक्रेताको चाप रहेको जानकारी गर्दछ ।
• दैनिकी अवधिमा “आरएसआई” ७९ दशमलब ५६ को बिन्दुमा छ । आरएसआईले बजारमा बढी खरिद भएको जनाएको छ ।
• “एडिएक्स” ले हालसम्म खरिदकर्ताको चाप रहेको जनाएको छ भने जोड र बिजोड “डाइरेक्सनल इन्डेक्स”हरुले आज विक्रेताको चाप हुन थालेको जानकारी गराएको छ ।
• नेप्सेको प्रवृत्तिलाई “अन ब्यालेन्स भल्यूम” ले  समर्थन गरेको छ ।
• नेप्से बढेमा मुख्य प्रतिरोध १२८५ को क्षेत्रमा पाउने देखिन्छ र घटेमा पहिलो टेवा १२५० को क्षेत्रमा पाउने देखिन्छ ।