वरिष्ठ नेता पौडेल र भारतीय रक्षामन्त्रीको भेट

१ माघ, काठमाडौं । स्वास्थ उपचारका लागि भारतको नयाँ दिल्ली पुगेका नेपाली कांग्रेसका बरिष्ठ नेता रामचन्द्र पौडेलले आज भारतीय रक्षामन्त्री राजनाथ सिंहसँग भेटवार्ता गरेका छन् । दुई नेताबीच नेपाल भारतका विविध पक्षमा कुराकानी भएको आजको इण्यिन एक्सप्रेस अनलाईनले जनाएको छ । स्वास्थ उपचारका लागि नेता पौडेल गत सोमबार दिल्ली उडेका थिए ।

भारतीय जनता पार्टीका पूर्वअध्यक्षसमेत रहेका सिंहसँगको भेट राजनीतिक रुपमा अर्थपूर्ण मानिएको छ । इण्यिन एक्सप्रेसको अनलाइन संस्करणमा दुबै नेताबीच सामान्य भलाकुसारी भएको लेखेको छ । नेता पौडेल र पार्टी सभापति शेरबहादुर देउवाबीच पार्टीको आगामी महाधिवेशनको कार्यतालिका लगायत विभिन्न विषयमा विवाद बढेको छ । नेता पौडेल भोलि स्वदेश फर्कने पनि समाचारमा जनाइएको छ ।