बालुवाटार जग्गा प्रकरणमा मुछिएका ढकालको घरमा विष्फोट

१ माघ काठमाडौं । काठमाडौंको नागार्जुन नगरपालिका वडा नम्बर १ मा विष्फोट भएको छ। नागार्जुन –१ नर्सरी चोकस्थित एक घरमा विष्फोट भएको प्रहरीले जानकारी दिएको छ।

प्रहरीका अनुसार नेपाल आर्मीको मेडिकल कलेजको पछाडीपट्टीको एक घरमा विष्फोट भएको हो। विष्फोटबाट घरको शिशा फुटेको छ भने पार्किङ गरेर राखेको गाडी गेटमा पनि क्षति भएको छ ।

उक्त घर बालुवाटारस्थित ललितानिवास जग्गा काण्डमा मुछिएका शोभाकान्त ढकालको भएको प्रहरीले बताएको छ । यिनी कुमारी बैंकका पुर्व संचालक पनि हुन ।  ढकाल नेकपाका महासचिव बिष्णु पौडेलका आफन्त अनि नेकपा कै समानुपातिक उम्मेदवार पनि हुन् ।