लिबियाली युद्धविरामको सम्भावना अझै नटरेको टर्कीको भनाइ
नेपालबहस संवाददाता
माघ २, २०७६ बिहिबार १५:२०:४२
२ माघ एजेन्सी । लिबियाली सैनिक नेता खालिफा हफ्तर अझै द्वन्द्वमा नफर्किने विश्वास बुधबार टर्कीले व्यक्त गरेको छ ।रूस र टर्कीको पहलमा फ्रान्समा भएको लिबियाली स्थायी युद्धविराम सम्झौतामा हस्ताक्षर नगरी सैनिक नेता खालिफा हफ्तर बाहिरिएका थिए ।
लिबियाली द्वन्द्वलाई छलफल र बहरबाट समझदारी निर्माण गरी अघि बढ्न सकिने टर्कीले बताएको छ । “अझै पनि लिबियामा युद्धविरामको सम्भावना सकिएको छैन,” टर्कीका रक्षा मन्त्री हालसी अकारले अङ्कारामा पत्रकारहरूसँगको नियमित संवादमा भने । जनवरी १२ मा स्थायी युद्धविराम सहमतिलाई अन्तिमरूप दिइने तयारी रहेका समय हस्ताक्षर नगरिकनै सोही दिन बिहानै हफ्तर स्वदेश फर्केको सञ्चारमाध्यमहरूले जनाएका थिए । लिबिया सम्बन्धमा प्रयासहरू निरन्तर रहने अकारले बताए ।
उनले बताए, “लिबियाली द्वन्द्वबारे अन्तर्राष्ट्रिय सम्मेलन आगामी आइतबार बर्लिनमा हुनेछ । टर्की लिबियामा युद्धविराम, शान्ति र राजनीतिक सङ्कटको यथोचित समाधानको पक्षमा रहनेछ ।”
जर्मनीले लिबियाली द्वन्द्वरत पक्षहरूलाई उक्त क्षेत्रका एघार मुलुकसहित केही अन्तर्राष्ट्रिय सङ्गठनहरूको उपस्थितिमा हुने वार्तामा आमन्त्रण गरिसकेको छ । टर्कीले संयुक्त राष्ट्रसङ्घद्वारा मान्यता प्राप्त राष्ट्रिय सहमतिको सरकारलाई मान्यता दिँदै आएको छ । तर त्रिपोलीबाट प्रशासन हेरिरहेको छ ।
संयुक्त राष्ट्रसङ्घका अनुसार लिबियामा गत अप्रिलदेखि त्रिपोलीलाई लक्षित गरी हफ्तरको सेनाले आक्रमण शुरू गरेपछि कम्तीमा २०० सर्वसाधारणसहित दुई हजार लडाकू मारिएका छन् भने एक लाख ४६ हजार लिबियाली विस्थापित बनेका छन् ।
टर्कीले लिबियामा आफ्नो सेना पठाइसकेको छ तर टर्कीको सेनाले युद्धमा त्रिपोलीस्थित फायज अल–साराज नेतृत्वको सरकारलाई हफ्तरको समूहविरूद्ध सक्रिय लडाइँ नलड्ने तर आवश्यक तालिम र परामर्श प्रदान गर्ने बताउँदै आएको छ ।
अकारले लिबियामा तैनाथ सैनिकको सङ्ख्याबारे केही बताएनन तर सङ्ख्यालाई त्रिपोलीको आवश्यकता अनुसार परिवर्तन गर्नसकिने बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपदक्षिण अफ्रिकाका पूर्व राष्ट्रपति जुमालाई चुनाव लड्न प्रतिबन्ध
चैत १६, २०८० शुक्रबार
बोआओ फोरममा चीनको प्रतिबद्धता, खुलापन र साझेदारी
चैत १६, २०८० शुक्रबार
दक्षिण अफ्रिकामा बस दुर्घटना हुँदा ४५ जनाको मृत्यु
चैत १६, २०८० शुक्रबार
८ सय ७७ प्रहरी काजबाट फिर्ता
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
आगामी वर्षको बजेट लेख्न अर्थ मन्त्रालयले बनायो समिति
चैत १६, २०८० शुक्रबार
शुक्लाफाँटामा दुर्लभ मानिएको बाह्रसिङ्गाको गणना हुँदै
चैत १६, २०८० शुक्रबार
नेपाली सेनाको उच्चस्तरीय राष्ट्रिय सुरक्षा तालिम सम्पन्न
चैत १६, २०८० शुक्रबार
सवारी दुर्घटनाः सुदूरपश्चिममा साढे तीन वर्षमा ६ सय ७४ को मृत्यु
चैत १६, २०८० शुक्रबार
राजस्व छलीका गाडी र मोटरसाइकलसहित तीन जना पक्राउ
चैत १६, २०८० शुक्रबार
सर्वोच्चले गरिदियो कांग्रेस सांसद गुरुङको निलम्बन फुकुवा
चैत १६, २०८० शुक्रबार