‘तपाईंले पार्टीमा सर्वसम्मत उम्मेदवार छान्न सक्नुभएन, मैले नै संसदीय दलबाट चुनूँ कि कसो ?’
Advertisement

२ माघ, काठमाडौं । सभामुख चयनका सन्दर्भमा विवाद चर्किएपछि विगत पाँच दिनदेखि सम्वादहिनतामा रहेका सत्तारुढ नेकपाका दुई अध्यक्ष केपी ओली र पुष्पकमल दाहाल ‘प्रचण्ड’बीच आज भेटवार्ता भएको छ । प्रधानमन्त्री समेत रहेका अध्यक्ष ओलीले आज विहान प्रचण्डलाई भेट गर्न बोलाएका थिए ।

प्रचण्ड निकट स्रोत भन्छ– प्रधानमन्त्रीले नै संवाद गर्न नचाहेकाले प्रचण्ड कम्रेड पनि चूप लाग्नु भएको थियो । आज भने सभामुखका विषयमा केही प्रगति हुने विश्वास ती नेताले व्यक्त गरे । स्वभाविक रुपमा सभामुख पूर्वमाओवादी पक्षले पाउने हो, त्यसमा दायाँबायाँ हुन सक्दैन – उनले भने बरु पात्रका विषयमा भने हामी लचकदार छौं ।

तर बालुवाटार स्रोत चाहिं प्रचण्डकै चाहनामा आज भेटवार्ताको टुंगो गरिएको हो । अहिले दुबै अध्यक्षबीच छलफल चलिरहेको छ – महासचिव विष्णु पौडेल पनि छलफलमा रहेको स्रोतले बताएको छ । प्रचण्डले नै सभामुखमा विवाद खडा गरेको बुझाई बालुवाटारको रहेको छ । कार्यकारी अध्यक्षको जिम्मेवारी ग्रहण गर्दा नै प्रधानमन्त्रीले प्रचण्डलाई आफूलाई सरकार चलाउन सजिलो बनाई दिन आग्रह गर्दै सुभाषचन्द्र नेम्बाङको नाममा सहमति जनाई सकेका थिए – स्रोत भन्छ अचानक कसरी फेरि यो विषयमा विवाद खडा गरियो ,त्यो प्रचण्डले नै जान्ने कुरा हो ।

Advertisement

आजको छलफल मूलतः सभामुखकै सन्दर्भमा केन्द्रित रहने जानकारी स्रोतले दिएको छ । साथै अमेरिकी सहयोगका रुपमा चर्चित मिलेनियम च्यालेञ्ज कर्पाेरेशन ‘एमसीसी’का सन्दर्भमा समेत प्रधानमन्त्रीले प्रचण्डको धारणा प्रष्ट गर्न माग गर्ने बताइएको छ ।

गत शनिबार प्रधानमन्त्री निवास बालुवाटारमै बसेको पार्टी सचिवालय बैठकले उपसभामुखबाट शिवमाया तुम्बाहाम्फेलाई राजीनामा गर्न निर्देशन दिइएको थियो । उक्त निर्णयप्रति ओलीको असहमति रहेको बुझिएको छ ।

Advertisement

प्रतिक्रिया दिनुहोस

कृपया तपाईंको प्रतिक्रिया दिनुहोस्!
कृपया यहाँ तपाईंको नाम प्रविष्ट गर्नुहोस्