सिटी एक्सप्रेसको “दशैं–तिहारमा उपहारको बहार” योजनाको बिजेता घोषित

२ माघ, काठमाडौं । सिटी एक्सप्रेस मनि ट्रान्सफरले आफ्ना अभिकर्ताहरुको वैकल्पिक आयआर्जनका लागि जीवन बीमाको अभिकर्ताको रुपमा समेत कार्य गर्ने अवसर प्रदान गरि बीमा सम्बन्धि कार्यलाई प्रोत्साहन गर्न “दशैं–तिहारमा उपहारको बहार” योजना २०७६ भाद्र १५ देखि २०७६ पौष १५ सम्म संचालन गरेको थियाे ।

उक्त अवधिमा उत्कृष्ट व्यवसाय गर्न सफल नेपालटारस्थित एभरसेफ मनि ट्रान्सफरकी सरला अधिकारी र रानीबारीस्थित अक्सफोर्ड नेपाल मनि ट्रान्सफरका पिताम्बर सापकोटाले ३२ इन्चको सामसुङ स्मार्ट टीभी र ढल्कोस्थित फिनटेक सर्भिसेजका रबिन्द्र महर्जनले ४३ इन्चको सामसुङ स्मार्ट टीभी प्राप्त गरेको जनाएको छ ।

कमलादीस्थित सिटी एक्सप्रेस कम्प्लेक्समा एक कार्यक्रमको आयोजना गरि सिटी एक्सप्रेसका प्रबन्ध निर्देशक चन्द्र टन्डनले बिजेताहरुलाई उपहार हस्तान्तरण गरेका छन् ।