विप्लव कार्यकर्ताको पक्षमा रिट दायर गर्न अस्वीकार

५ माघ, पोखरा । उच्च अदालत पोखराले आज विप्लव कार्यकर्ताको पक्षमा रिट दायर गर्न अस्वीकार गरेको छ ।

पीडितहरूको तर्फबाट दायर भएको बन्दी प्रत्यक्षीकरण मुद्दामा उच्च अदालत पोखराका माननीय न्यायाधीशद्वय यज्ञप्रसाद बत्स्याल र विनोदमोहन आचार्यको संयुक्त ईजलाशले विप्लव कार्यकर्ताको आरोप लागेका लोकेन्द्र राई, डिलबहादुर सुनार विकास र बलबहादुर हिटान मगरको पक्षमा बन्दी प्रत्यक्षीकरण रिट आदेश जारी गर्न अस्वीकार गरेको हो ।

रिट निवेदकहरूको तर्फबाट अधिवक्ताद्वय सुरेन्द्र थापा मगर र विष्णुप्रसादले बहस गरेका थिए । उनीहरूलाई जिल्ला प्रहरी कार्यलय कास्कीले पक्राउ गरि हिरासतमा राखेर राज्य विरूद्धको कसुर मुद्दामा अनुसन्धान गरिरहेको छ ।