पर्यटन बोर्ड प्रमुखमा तीन जनाको नाम सिफारिस

५ माघ काठमाडौं । नेपाल पर्यटन बोर्डको प्रमुख कार्यकारी अधिकृतका लागि तीनजनाको नाम सिफारिस भएको छ ।बोर्डको सीईओ छनोट समितिले धनन्जय रेग्मी, दीपक बस्ताकोटी र हिक्मत सिंह ऐरको नाम सिफारिस गरेको हो ।

आइतबार बसेको छनोट समितिले उनीहरुको नाम सिफारिस गरेको समितिका एक सदस्यले जानकारी दिए । बोर्ड संचालक समितिको बैठक भोलीका लागि सारिएको छ । आइतबारै सीईओ नियुक्त गर्ने तय गरिए पनि भोलिका लागि बोर्ड बैठक सारिएको हो ।

बोर्डको प्रमुख कार्यकारी हुन १९ जनाले आवेदन दिएका थिए । त्यसमध्ये नौजनाको नाम छनोट गरिएको थियो । नौजना मध्ये तीनजनाको नाम बोर्डमा सिफारिस गर्ने प्रचलन अनुसार तीन जनाको नाम सिफारिस गरिएको हो । अब सोमबार भोलि बस्‍ने भनिएको बोर्ड बैठकले नयाँ प्रमुख कार्यकारी नियुक्त गर्ने बताइएको छ ।