वैदेशिक रोजगारबाट फर्केका युवाहरुको अगुवाइमा चिस्यान केन्द्र निर्माण हुँदै

♦ भूपराज बस्याल

५ माघ नवलपरासी।  वैदेशिक रोजगारबाट फर्केका करिब आठ हजार युवाहरुको अगुवाइमा नवलपरासीमा तीन हजार म्याक्ट्रीक टनको चिस्यान केन्द्र संचालनमा आउने भएको छ । नवलपरासीको कावासोती १४ अघेउलीमा संचालन हुन लागेको चिस्यान केन्द्रको शनिवार शिलान्यास गरिएको छ ।

वैदेशिक रोजगारबाट फर्केकाहरुको संस्था रिटर्नी माइग्रेट नेपाल अन्तर्गत रिटर्नी पशुपालन तथा कृषि समुह,नवलपुरको अगुवाइमा चिस्यान केन्द्र संचालनमा आउन लागेको हो । दुई बर्ष भित्र निर्माण सक्नेगरि काम सुरु गरिएको परियोजना १८ कट्ठा जमिनमा २१ करोडको लागतमा निर्माण हुन लागेको हो ।

संघीय सरकारको ५० प्रतिशत र गण्डकी प्रदेश सरकारको २० प्रतिशत अनुदान लगानीमा निर्माण हुन लागेको केन्द्रमा ३० प्रतिशत वैदेशिक रोजगारबाट फर्केकाहरुको लगानी रहने रिटर्नी पशुपालन तथा कृषि समुह,नवलपुरका अध्यक्ष नेत्र थनेतले बताए ।

जर्मनी प्रविधिमा संचालन हुन लागेको केन्द्रको शिलान्यास कार्यक्रममा बोल्दै कार्यक्रममा प्रमुख अतिथि तथा संघीय सांसद तिलक महतले युवाहरुलाई विदेश पलायन हुन नदिनको लागि सरकारले ल्याएको विभिन्न योजना अन्तर आज यो कार्यक्रम गर्न सफल भएको बताए । कार्यक्रममा गण्डकी प्रदेशका मुख्य मन्त्री पृथ्वीसुब्बा गुरुङले अडियोबाट शुभकामना सन्देश पठाएका थिए ।

कार्यक्रममा रिटर्नी माइग्रेट नेपालका अध्यक्ष उतम अधिकारी, काठमाडौ महानगरपालिकाका कृषि विभाग प्रमुख हरि बहादुर भण्डारी, राष्ट्रिय युवा परिषदका कार्यकारी उपाध्यक्ष माधव ढुङ्गेल, लगायतले शुभकामना मन्तव्य राखेका थिए ।

निर्माण हुन लागेको केन्द्रमा २५ सय म्याट्रीक टनमा फलफूल तथा तरकारी र आलु स्टोर गर्न सकिने र ५ सय म्याट्रीक टन मासुजन्य बस्तु स्टोर गर्न सकिने विस्तृत योजना अध्ययनको जिम्मा पाएको कम्पनी अरेइकोन आर्किटेक्स तथा इन्जिनियर प्रालिका संचालक आर्किटक्ट इन्जिनियर गोपालबहादुर कुवँरले जानकारी दिए ।

निर्माण हुन लागेको केन्द्र यस्तो रहने छ ।