ओरालो लागेको सिटिजन्सको ताल भो….
आर्थिक संवाददाता
माघ ६, २०७६ सोमबार १८:१४:५
६ माघ, काठमाडाैं । वरिष्ठ अर्थशास्त्री डा. शंकर शर्मादेखि कुशल बैंकर एवं सीए राजनसिंह भण्डारी लगायत देशका चर्चित व्यवसायीहरु मिलेर खोलेको सिटिजन्स बैंक इन्टरनेशनल पछिल्लो समय लगातार ओरालो लाग्ने क्रममा लागेको छ ।
बैंकका अधिकांश वित्तीय परिसुचकहरु क्रमश खस्कँदो क्रममा रहेको देखिन्छन् । समकालिन अन्य बैंकहरुले आर्कषक व्यापार गर्दै शेयरधनीहरुलाई आर्कषक प्रतिफल दिईरहदाँ यो बैंक भने कछुवा गतिमा हिडिरहेको छ ।
बैंकमा संस्थागत सुशासनको अभाव, कर्जा लगानी र निक्षेप संकलनमा बैंक उच्च व्यवस्थापनको सुस्त गति र व्यवस्थापकीय खर्चमा अत्याधिक हुदाँ बैंकले लक्ष्य अनुसारको प्रगति गर्न सकिरहेको छैन् । बैंकमा हाल नयाँ संचालक समिति गठन भएको छ र त्यसको अध्यक्षमा बैंकका संस्थापक सीईओ राजनसिंह भण्डारी चुनिएका छन् । बैंकको नयाँ संचालक समितिमा प्रतिष्ठित व्यवसायी प्रवलजंग पाण्डेदेखि चर्चित बैंकर सुदेश खालिङ, प्रकाशचन्द्र मैनाली,बिजयध्वज कार्की, साजन शर्मा, सीता कार्की केसी रहेका छन् ।
त्यस्तै बैंकको उच्च व्यवस्थापनमा सीईओ गणेशराज पोखरेलदेखि डेपुटी सीईओमा बोधराज देवकोटा रहेका छन् । यस बैंकमा चार चार जना त सहायक प्रमुख कार्यकारी अधिकृत नै छन् । जसमा रामधन श्रेष्ठ, सुमितबाबु खत्री, पारशकुमार काफ्ले र उमंग शर्मा छन् । यस्तै संजीव कुमार श्रेष्ठ र प्रमेशराज कायस्थ पनि बैंकको उच्च तहमा कार्यरत रहेका छन् ।
उच्च पदमा रहेका सबै कर्मचारीहरुले बैंकबाट आर्कषक तलब भत्ता तथा सेवा सुविधाहरु उपयोग गरिरहेका छन् । तर सोही अनुपातमा बैंकले प्रगति भने गर्न सकेको छैन् । त्यसैले दोस्रो बजारका लगानीकर्ताहरुले चर्चित गायक रामकृष्ण ढकालको प्रख्यात गीत सम्झदै भन्न थालेका छन् ओरालो लागेको सिटिजन्सको ताल भो….. ।
सिटिजन्स बैंक इन्टरनेसनलले आर्थिक वर्ष ०७६/७७ को दोश्रो त्रैमासको वित्तीय विवरण सार्वजनिक गर्ने पहिलाे वाणिज्य बैंक भएपनि कम्पनीले राम्रो वित्तीय विवरण निकाल्न सकेन । प्रमुख आम्दानीको श्रोतमा रहेको खुद व्याज आम्दानीमा गिरावट आएसँगै कम्पनीको खुद मुनाफामा गिरावट आएको छ ।
कम्पनीको आर्थिक वर्ष ०७६/७७ को प्रथम त्रैमास र आर्थिक वर्ष ०७५/७६ को दोश्रो त्रैमासलाई दाँजेर हेर्दा :
खुद ब्याज आम्दानीमा गिरावट:
बैंकको प्रमुख आम्दानीको श्रोतकाे रूपमा रहेको खुद ब्याज आम्दानीमा गिरावट आएको छ । बैंकले चालु आर्थिक वर्षको दोश्रो त्रैमासमा १ अर्ब ४३ करोड खुद व्याज आम्दानी गरेकोमा गत आर्थिक वर्षको प्रथम त्रैमासमा कम्पनीले १ अर्ब ४९ करोड खुद व्याज आम्दानी गरेको थियो । यसरी खुद व्याज आम्दानी ४ प्रतिशतले घटेको छ । प्रमुख आम्दानीको श्रोतमा रहेको खुद व्याज आम्दानीमा गिरावट आउँदा कम्पनीले दोश्रो त्रैमासको वित्तीय विवरण आकर्षक निकाल्न सकेन ।
खुद मुनाफामा गिरावट:
संचालन मुनाफा घटेसँगै कम्पनीको खुद मुनाफा पनि घटेको छ । गत आर्थिक वर्षको दाेस्राे त्रैमासमा ७७ करोड ३ लाख खुद मुनाफा गरेको कम्पनीले अहिले भने जम्मा ६८ करोड ७७ लाख मात्र खुद मुनाफा गरेको छ । यसरी खुद मुनाफामा ११ प्रतिशतको गिरावट देखिएको हाे ।
प्रतिशेयर आम्दानीमा गिरावट:
खुद मुनाफा घटेसँगै कम्पनीको प्रतिशेयर आम्दानीमा पनि गिरावट देखिएको छ । कम्पनीको अहिलेको प्रतिशेयर आम्दानी १५ रुपैंया ९५ पैसा रहेको छ । गत वर्ष दोश्रो त्रैमासमा कम्पनीको प्रतिशेयर आम्दानी १८ रुपैंया ४० पैसा थियो । प्रतिशेयर आम्दानीमा पनि १३ प्रतिशतको गिरावट देखिएको छ ।
जगेडा कोष स्थिर हुँदै संचित मुनाफा घट्दै:
कम्पनीको जगेडा कोष सामान्य वृद्धि भएको छ । गत आर्थिक वर्षको दोश्रो त्रैमासमा २ अर्ब ८२ करोड रहेको जगेडा कोष अहिले २ अर्ब ८८ करोड पुगेको छ । संचित मुनाफा भने ४७ प्रतिशतले घट्दै ६६ करोड ३४ लाख पुगेको छ । शेयर प्रिमियम शिर्षकमा भने कुनै रकम छैन ।
निक्षेप र कर्जा प्रवाहमा सुस्त:
बैंकले चालु आर्थिक वर्षको दाेस्राे त्रैमास र अघिल्लो आर्थिक वर्षको दाेस्राे त्रैमासलाई आधार मान्दा बैंकको निक्षेप संकलन ७ प्रतिशतले मात्र वृद्धि गर्न सफल भएको छ भने कर्जा प्रवाह १० प्रतिशतले वृद्धि गर्न सफल भएको छ । बैंकले चालु आर्थिक वर्षको दोश्रो त्रैमासमा ७५ अर्ब ५९ करोड निक्षेप संकलन गरी ६९ अर्ब ९ करोड कर्जा प्रवाह गरेको छ ।
मूल्य आम्दानी अनुपात १३ गुणा:
कम्पनीको माघ ५ गतेको बजार मूल्य २१३ लाई आधार मान्दा कम्पनीको मूल्य आम्दानी अनुपात १३ गुणा आउँछ । कम्पनीको बजार मूल्य र प्रतिशेयर आम्दानीलाई आधार मान्दा कम्पनी “अण्डरभ्यालुड” जोनमा रहेको देखिन्छ ।
खराब कर्जा घटाउन सफल:
गत वर्ष दोश्रो त्रैमासमा १ दशमलव ६२ प्रतिशत रहेको खराब कर्जा अहिले भने १ प्रतिशत भन्दा केही कममा आएको छ । प्रकाशित रिपोर्ट अनुसार कम्पनीको खराब कर्जा ० दशमलव ९९ प्रतिशत रहेको छ ।
आधार व्याजदर घट्यो :
कम्पनीले आधार व्याजदर घटाउन सफल भएको छ । कम्पनीको अहिले आधार व्याजदर १० दशमलव ३५ प्रतिशत रहेको छ ।
वितरणयोग्य मुनाफा:
कम्पनीको दोश्रो त्रैमाससम्म वितरणयोग्य मुनाफा ६२ करोड १० लाख मात्र रहेको छ । कम्पनीले अहिलेकै रफ्तारलाई चौथो त्रैमाससम्म कायम गरेमा कम्पनीले १४ प्रतिशतको हारारीमा लाभांश दिन सक्छ ।
किताबी मूल्य घट्यो :
कम्पनीको प्रकाशित प्रतिशेयर नेटवर्थ १४१ रुपैयाँ १३ पैसा रहेको छ । गत वर्ष कम्पनीको किताबी मूल्य १४९ दशमलव २६ रुपैया थियो । यसरी किताबी मूल्य ५ प्रतिशतले घटेको छ ।
घट्दो क्रममा लाभांश :
कम्पनीकाे लाभांश दर घट्दै छ । अहिलेकै हिसाबमा बैंक चौथो त्रैमाससम्म जाने हो भने अर्को वर्ष पनि लगानीकर्ताले खासै आकर्षक लाभांश नपाउने देखिन्छ ।
निस्कर्ष:
कम्पनीले चालु आर्थिक वर्षको दोश्रो त्रैमासमा निराशाजनक वित्तीय प्रतिवेदन सार्वजनिक गरेको छ । अघिल्लाे त्रैमासमा जस्तै खुद मुनाफामा वृद्धि गर्न नसक्दा कम्पनीको समस्त वित्तीय प्रतिवेदन नै खस्किएको छ । बैंकको मुनाफासँगै प्रति शेयर आम्दानीमा पनि १३ प्रतिशतको गिरावट आएको छ । वितरणयोग्य मुनाफा आकर्षक नहुँदा कम्पनीले आर्थिक वर्ष ७६/७७ मा दिन सक्ने लाभांश पनि त्यति आकर्षक नहुने देखिन्छ । प्रमुख आम्दानीको श्रोतको रुपमा रहेको खुद व्याज आम्दानीलाई वृद्धि गर्दै खुद मुनाफा वृद्धि गर्दै जानु पर्ने चुनौती बैंक व्यवस्थापनमा थपिएको छ ।
आर्थिक संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
धरौटी बुझाउन नसकेपछि दीपेश पुनलाई जेल पठाइयो
बैशाख ७, २०८१ शुक्रबार
मस्कको सुझाव - रकेट एकअर्कामा होइन, ताराहरुमा पठाऊ !
बैशाख ७, २०८१ शुक्रबार
आमजनतामा सूचना प्रविधिको पहुँच बिस्तार आवश्यकः मन्त्री शर्मा
बैशाख ७, २०८१ शुक्रबार
काठमाडौँ महानगरमा निःशुल्क उपचार, कसरी लिने सेवा ?
बैशाख ७, २०८१ शुक्रबार
वीरगञ्जमा व्यापारी कुशवाह र गुप्ताको गोदामबाट सवा १ करोडका कपडा बरामद
बैशाख ७, २०८१ शुक्रबार
स्वास्थ्य मन्त्रालयको अनुरोध : स्वास्थ्य बीमाबारे भ्रामक सूचनाको भर नपर्नु
बैशाख ७, २०८१ शुक्रबार