सिटी एक्सप्रेसकाे ३०० भन्दा बढी एजेन्टलाई पोखरा ट्रिप

६ माघ, काठमाडौं । सिटी एक्सप्रेस मनी ट्रान्सफरले गत शनिबार आफ्नो गण्डकी प्रदेश लक्षित एजेन्टहरुको लागि एक दिने एजेन्ट भेटघाट र एएमएल/सीएफटी तालिम कार्यक्रम सम्पन्न गरेको छ ।

होटल पोखरा ग्राण्डमा आयोजित उक्त कार्यक्रममा, कास्की, बाग्लुङ्ग, म्याग्दी, पर्वत, तनहुँ, लम्जुङ्ग, स्याङजा, गोर्खा लगायतबाट ३०० भन्दा बढि एजेन्टहरुको सहभागिता रहेको थियो । कार्यक्रममा सहभागिहरूले रेमिट्यान्स सम्बन्धि पछिल्ला जानकारी पाउनुका साथै पोखरा ट्रिपकाे आनन्द समेत लिएका थिए । सो कार्यक्रममा सिटी एक्सप्रेस मनी ट्रान्सफरका प्रबन्ध निर्देशक चन्द्र टण्डन लगायत व्यवस्थापन समूहको उपस्थिति रहेको थियो ।

बिगत १३ वर्षदेखि विश्वका विभिन्न ठाउँबाट प्राप्त रकम सात हजार पाँचसयभन्दा बढी नेपालको एजेन्ट्हरु मार्फत भुक्तानी प्रदान गर्दै आइरहेको सिटी एक्सप्रेसले जनाएको छ ।