के तपाईसँग गणपति माईक्रो फाइनान्सकाे शेयर छ ? यस्तो आयो वित्तीय प्रतिवेदन

७ माघ, काठमाडाैं । खुद मुनाफामा ९ प्रतिशतले वृद्धि गर्दै गणपति माईक्रो फाइनान्सले दोश्रो त्रैमासको वित्तीय विवरण प्रकाशन गरेको छ । प्रकाशित रिपोर्ट अनुसार गणपति माईक्रो फाइनान्सले दोश्रो त्रैमाससम्म १ करोड ६६ लाख रुपैयाँ खुद मुनाफा गरेको छ ।

गत आर्थिक वर्षको दोश्रो त्रैमासमा कम्पनीले १ करोड ५१ लाख रुपैयाँ खुद मुनाफा गरेको थियो । समिक्षा अवधिमा कम्पनीको खुद मुनाफा ९ प्रतिशतले वृद्धि भएको र चुक्ता पुँजीमा ४८ प्रतिशतको वृद्धिको कारणले गर्दा कम्पनीको प्रतिशेयर आम्दानी २६ प्रतिशतले घटेको देखिन्छ ।

कम्पनीकाे प्रकाशित प्रतिशेयर आम्दानी ३२ रुपैया १० पैसा छ । गत आर्थिक वर्षको दोश्रो त्रैमासमा कम्पनीको प्रकाशित प्रतिशेयर आम्दानी ४३ रुपैया ३८ पैसा थियो ।

कम्पनीले ७७ करोड ४७ लाख रुपैया सापटी लिएको छ । सापटी रकम ६९ प्रतिशतले वृद्धि भएको छ । त्यस्तै कर्जा प्रवाह ६५ प्रतिशतले वृद्धि हुँदै १ अर्ब ९ करोड पुगेको छ । निक्षेप संकलन ६६ प्रतिशले वृद्धि २८ करोड ८२ लाख पुगेको छ ।

प्रमुख आम्दानीको श्रोतकाे रूपमा रहेको खुद व्याज आम्दानी ६४ प्रतिशतले वृद्धि हुँदै ४ करोड ३७ लाख पुग्दा संचालन मुनाफा ७१ प्रतिशतले वृद्धि हुँदै २ करोड ३९ लाख पुगेको छ ।

कम्पनीको माघ ५ गतेको बजार मूल्य ७५८ लाई आधार मान्दा कम्पनीको मूल्य आम्दानी अनुपात २३ दशमलव ६१ गुणा रहेको छ ।

विश्लेषण : चुक्ता पुँजी वृद्धि कै हाराहारीमा कम्पनीले खुद मुनाफा वृद्धि गर्न नसक्दा कम्पनीले प्रतिशेयर आम्दानी वृद्धि हुन सकेन । कम्पनीको मूल्य आम्दानी अनुपात २४ गुणा रहेको छ । कम्पनीको बजार मूल्यलाई प्रतिशेयर आम्दानीसँग दाज्दाँ कम्पनीको बजार मूल्य अलिकता धेरै भएको अनुभूति हुन्छ । सापटी रकम, निक्षेप संकलन र कर्जा प्रवाहलाई लघुवित्तले आक्रामक रुपमा वृद्धि गर्दै लागेको देखिन्छ ।