कृषि विकास बैंक साना किसान केन्द्रित हुनुपर्छ:- अर्थमन्त्री खतिवडा

७ माघ, काठमाडौं । कृषि विकास बैंकको ५३ औं बार्षिकोत्सव समारोहमा बोल्दै अर्थमन्त्री डा. युवराज खतिवडाले यो बैंक साना किसान केन्द्रित हुनुपर्ने बताएका छन् ।

नेपालको बिकासको लागि साना किसानमा लगानी अपरिहार्य रहेको भन्दै मन्त्री खतिवडाले कृषि विकास बैंक अन्य क्षेत्रतिर भन्दा पनि कृषि क्षेत्रको लगानीमा केन्द्रित हुनुपर्नेमा जोड दिएका छन् । दश लाख भन्दा कम कर्जा लिनेहरु साना किसान रहेको भन्दै यस क्षेत्रमा लगानी बढाउनुपर्ने धारणा मन्त्री खतिवडाको रहेको थियो ।

अन्य बैंकहरु भन्दा कृषि विकास बैंकलाई सरकारको सहयोग हुने भन्दै सरकारको निती तथा कार्यक्रम अनुसार कृषि क्षेत्रमा लगानी बढाउनु पर्ने मन्त्रीको सुझाव थियो ।