सिनर्जी पावर डेभलपमेन्ट कम्पनीको वित्तीय विवरणमा देखियो सुधार

७ माघ, काठमाडाैं । सिनर्जी पावर डेभलपमेन्ट कम्पनीले चालु आर्थिक वर्षको दोश्रो त्रैमाससम्म आउँदा केही सुधारिएको वित्तीय विवरण प्रकाशन गरेको छ ।

कम्पनीले चालु आर्थिक वर्षको दोश्रो त्रैमासमा विधुत बिक्रीबाट १३ करोड ५४ लाख कमाएकाे गरेको छ । विधुत बिक्री आय १९ प्रतिशतले वृद्धि भएको छ । गतवर्ष दोश्रो त्रैमासमा कम्पनीले ११ करोड ३६ लाख विधुत बिक्रीबाट आय गरेको थियो । संचालन तथा अन्य खर्च भने घटेको छ । गतवर्ष दोश्रो त्रैमासमा ७ करोड ६४ लाख रहेको संचलान खर्च चालु आर्थिक वर्षको दोश्रो त्रैमास सम्म आउँदा ६ करोड ८६ लाखमा सिमित भएको छ ।

यसरी विधुत बिक्रीबाट आयबाट आउने रकममा वृद्धि र संचालन खर्चमा आएको गिरावटको कारणले गर्दा कम्पनीको खुद मुनाफामा वृद्धि देखिएको छ । गत आर्थिक वर्षको दोश्रो त्रैमासमा ३ करोड ७३ लाख खुद मुनाफा गरेको कम्पनीले अहिले भने ६ करोड ६८ लाख खुद मुनाफा गरेको छ । खुद नाफामा ७९ प्रतिशत वृद्धि भएको छ ।

प्रकाशित प्रतिशेयर आम्दानी ९ रुपैयाँ ५४ रहेकोमा वार्षिक प्रतिशेयर आम्दानी १९ रुपैया ०९ पैसा हुन आउँछ । गतवर्ष कम्पनीको जगेडा कोष ९ करोड ८६ लाख ऋणात्मक थियो । अहिले जगेडा कोष मात्र ६४ लाख ३९ हजार ऋणात्मक रहेको छ । यसरी कम्पनीले दिन प्रतिदिन सुधार गर्दैछ । कम्पनीको किताबी मूल्य भने ९९ रुपैया ०८ पैसा छ ।