पाँच सय एमजीको एन्टिबाइटिक जस्तै भो नेपालको उद्योग नीति : ब्यबसायी

७ माघ, काठमाडौं । सरकारले उद्योग नितीमा एकैपटक परिवर्तन ल्याएको भन्दै व्यवसायीले गुनासो गरेका छन् ।

६८ औं अन्तर्राष्ट्रिय भन्सार दिवसको अवसर पारेर मंगलबार नेपाल उद्योग बाणिज्य महासंघले आयोजना गरेको अन्तरक्रिया कार्यक्रम व्यावसायीहरुले यस्तो गुनासो गरेका हुन् । एकैपटक कुनैपनि परिवर्तन सम्भव नभएको हुँदा नीति बनाउदा यहाँ धरातल हेरेर बनाउन आग्रह गरेका हुन् ।

हाल सरकारले ब्यबसायमा निकै छलाङ मार्ने नीति ल्याएको हुँदा ब्यबसाय नै धराशायी हुने अवस्था आएको हुँदा यसमा पुनर्विचार गर्न सरकारलाई आग्रह गरे । हाम्रो शरीरमा पनि एकैपटक पाँच सय एमजीको एन्टिबाइटिक प्रयोग गरे त्यसले नकारात्मक असर पार्ने उदाहरण दिदै हाल नेपालको ब्यापार नीति पनि त्यस्तै भएको आरोप लगाएका हुन् ।

नेपाल उद्योग बाणिज्य महासंघकी अध्यक्ष भवानी राणाको सभापतित्वमा सम्पन्न कार्यक्रममा भन्सार विभागका महानिर्देशक सुमन दाहाल, अर्थ मन्त्रालयका सचीव सुनिल कुमार ढुंगाना लगायतले व्यावसायीहरुको गुनासो सम्बोधन गर्दै जनताकै लागि आफुहरु खटिरहेको हुँदा कुनैबेला कुनै समयमा भन्सार सम्बन्धि समस्य परे सम्पर्क गर्न आग्रह गरेका थिए ।