अन्तिम ३० मिनेटमा बिक्री चाप आउँदा आजको बजार बिश्लेषणले के भन्छ ?

माघ ७, काठमाडाैं ।  हिजो बजारमा देखिएको करेक्सनको प्रभाव आज पनि परेको छ । आज शेयरबजारले सामान्य अंकको वृद्धि हासिल गरेको छ । बजार परिसूचक नेप्सेमा ३ दशमवल ३६ अंकको वृद्धि हुँदै १३२० दशमलव ४७ को विन्दुमा गएर बजार बन्द भएको छ । दोश्रो बजारमा शुन्य दशमलव २६ प्रतिशतको वृद्धि देखिएको छ ।

हिमालयन बैंकको २४ करोड ४६ लाखको संस्थापक शेयर कारोवार भएसंगै कारोवार रकम भने १ अर्ब ५१ करोड पुगेको छ । बजारमा हिजो राम्रो करेक्सन देखिएको र आज बजार सामान्य अंकले वृद्धि भएकाले बजारको भावी दिशा भोलीको कारोवारले देखाउछ ।

बजारलाई ड्राईभ गर्ने वाणिज्य बैंकहरुको उपसुचकम ० दशमलव ४ प्रतिशतको वृद्धि देखिँदा निर्जीवन बीमा कम्पनीहरुको उपसुचकमा सर्वाधिक वृद्धि भएको छ । निर्जीवन बीमा कम्पनीको उपसुचकमा १ दशमलव ४९ प्रतिशतको वृद्धि देखियो ।

आज बजार १३१८ दशमलव ६६ को विन्दुमा खुलेको थियो भने १२ बजेर १३ मिनेटमा बजारले न्यून विन्दु १३०९ दशमलव १५ समातेको थियो । बजारले त्यस्तै २ बजेर २६ मिनेटमा १३३१ दशमवल ३३ को उच्च विन्दु समातेको थियो । बजारले अन्तिम ३० मिनेटमा बिक्री चाप अनुभव गरेको थियो ।

आज हिमालयन बैंक लिमिटेडको संस्थापक शेयर सर्वाधिक २४ करोड ४६ लाखको किनबेच हुँदा गुराँस लाईफ इन्स्योरेन्सका शेयरधनीले सर्वाधिक ९ दशमलव ८२ प्रतिशतले कमाए भने एनआईसी एसिया ग्रोथ फण्डका ईकाईधनीले सर्वाधिक ६ दशमलव ४८ प्रतिशतले गुमाए ।

प्राविधिक बिश्लेषण :

मुख्य प्रतिरोध : १३३० पहिलो टेवा : १३०८

• हाल बजारले १३५९ को उच्च बिन्दु बनाएपछि बजार सच्चिरहेको देखिन्छ । आज नेप्से परिसूचक १३२० दशमलब ४७ को बिन्दुमा बन्द भएको छ ।
• आज पनि नेप्सेले “डोजी” मैनबत्तीको चित्र बनाएको छ । यसले आज बजारमा माग र आपूर्ती लगभग बराबर रहेको जनाउँदछ ।
• दैनिकी अवधिमा “आरएसआई” ७६ दशमलब ५६ को बिन्दुमा छ । आरएसआईको प्रवृत्ति हालसम्म बढी खरिद भएको क्षेत्रमा  रहेको छ ।
• “एडिएक्स” ले बजारमा हालसम्म क्रेताको चाप रहेको जानकारी गराएको छ भने  जोड र बिजोड “डाइरेक्सनल इन्डेक्स”हरुको संकेत प्रभावकारी देखिन्दैन ।
• नेप्सेको प्रवृत्तिलाई “अन ब्यालेन्स भल्यूम” ले  हालसम्म समर्थन गरेको छ ।
• नेप्से बढेमा पहिलो प्रतिरोध १३३० को क्षेत्रमा पाउने देखिन्छ र घटेमा पहिलो टेवा १३०८ को क्षेत्रमा पाउने देखिन्छ ।