राष्ट्रपति ट्रम्पविरुद्धको महाभियोगमाथि सदनमा सुनुवाइ सुरु, निष्पक्ष हुनेमा आशङ्का !
नेपालबहस संवाददाता
माघ ८, २०७६ बुधबार १३:३४:३६
८ माघ एजेन्सी । अमेरिकी राष्ट्रपति डोनाल्ड ट्रम्पविरुद्धको महाभियोगमा संसद्को माथिल्लो सदनमा सुनुवाइ सुरु भएको छ । सदनमा बहुमत प्राप्त रिपब्लिकन पार्टीका नेता मिच म्याककोनेलले प्रमुख साक्षी या दस्तावेजलाई रोक्न चाहन्छन् भने डेमोक्रेट्सले भने यसो गर्दा ढाँकछोप गर्ने कुरा हुने बताएको छ । डेमोक्रेट्स महाभियोगमा सुनुवाइसम्बन्धी नियममा परिवर्तन चाहन्छ ।
राष्ट्रपति ट्रम्पमाथि युक्रेनको विषयमा आफ्नो शक्ति दुरुपयोग गरेको र कांग्रेसले उनको आचरणको जाँच गर्नबाट रोकिएको आरोप छ । ट्रम्पले भने यी आरोपलाई निराधार बताउँदै आएका छन् । माथिल्लो सदनका सदस्यहरुले भने निष्पक्ष न्यायाधीशमार्फत सुनुवाइ गर्ने बताएका छन् । न्यायाधीशहरुले हप्तामा ६ दिन र दैनिक ६ घण्टा सुन्नेछन् । यो सुनुवाइ यूएस चिफ जस्टिससमक्ष हुनेछ ।
अमेरिकी इतिहासमा राष्ट्रपतिले महाभियोगको सामना गरेको यो तेस्रो पटक हो । ट्रम्पविरुद्धको सुनुवाइ कहिलेसम्म चल्छ भनेर भन्न सकिँदैन । बीबीसका उत्तरी अमेरिकाका सम्वाददाता एन्थनी जर्चरका अनुसार रिपब्लिकनको बहुमत रहेको सदनमा ट्रम्पलाई दोषी ठहराउने सम्भावना लगभग कम जस्तै छ । आफ्नो सुरुवाती बयानमा डेमोक्रेट नेता एडम शिफले भने, ‘धेरै अमेरिकीहरुलाई सुनुवाइ निष्पक्ष हुनेमा आशङ्का छ । उनीहरु सदन निष्पक्ष हुन्छ भन्ने मान्दैनन् । नतिजा पहिले नै तय भएको छ भन्ठान्छन् ।’
रिपब्लिकन पार्टीका नेता मिच म्याककोनलले यो सुनुवाइलाई जति सक्दो चाँडो सकाउनु पर्ने बताएको एडम शिफले भने ।राष्ट्रपति ट्रम्पको रिपब्लिकन पार्टीका सांसद सुनुवाइको अवधिलाई कम गर्ने कोसिस गरिरहेका छन् । राष्ट्रपति ट्रम्पको कानुनी टिमले भने यसअघि नै यो सुनुवाइलाई संविधानसँग खेलवाड गर्न खतरनाक कोसिस गरिएको बताउँदै ट्रम्पलाई तत्काल छुट दिन माग गरेको थियो ।
रिपब्लिकन पार्टीका नेता मिच म्याककोनेले सुनुवाइको अवधि तीन दिनबाट घटाएर दुई दिन गर्न प्रस्ताव राखेका थिए, जसलाई ट्रम्पको कानुनी टिमले समर्थन गरेको छ । तर वरिष्ठ सभा सदस्यसँगको एक बैठकमा म्याककोनेल तीन दिनका लागि तयार भए ।
डेमोक्रेट्स पार्टीले ट्रम्पविरुद्धको महाभियोगलाई लिएर अमेरिकी नागरिकहरुलाई धोका दिइरहेको बताएको छ ।वाशिङ्टनमा जारी महाभियोगको सुनुवाइको केन्द्रमा राष्ट्रपति ट्रम्प भए पनि उनी अहिले डावोसमा वर्ल्ड इकोनोमिक फोरममा अमेरिकी समृद्धिको खुशी मनाइरहेका छन् ।
धेरैले ट्रम्प आफूलाई विश्वको एक गम्भीर नेताका रुपमा चिनाउन र महाभियोगलाई प्रभावित गर्न डावोस पुगेको बताएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपउत्तरी इलेनोइसमा छुरा प्रहार, ४ जनाको मृत्यु
चैत १५, २०८० बिहिबार
बंगलादेशकी पूर्वप्रधानमन्त्री जियाको जेल सजाय थपियो
चैत १५, २०८० बिहिबार
केजरीवाललाई मुख्यमन्त्रीबाट हटाउने रिट अदालतद्वारा खारेज
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
किन भेटिरहेका छन् देउवाले प्रधानमन्त्री प्रचण्ड ?
चैत १५, २०८० बिहिबार
नयाँ वर्षमा बन्दीपुरमा सडक खाना महोत्सव हुने
चैत १५, २०८० बिहिबार
परम्परागत होली पछ्याउँदै राना थारू समुदाय
चैत १५, २०८० बिहिबार
एसीसी प्रिमियर कप खेल्ने नेपाली राष्ट्रिय क्रिकेट टिमको बिदाइ
चैत १५, २०८० बिहिबार
नेप्सेमा सामान्य वृद्धि, हिमालयन उर्जा विकासको शेयरमा सकारात्मक सर्किट !
चैत १५, २०८० बिहिबार
नेपाल ए र आयरल्याण्ड वोल्भ्सबीचको सिरिजको नयाँ तालिका सार्वजनिक
चैत १५, २०८० बिहिबार