देउवा, पौडेल र सिटौला भेट्दै

८ माघ काठमाडौं । प्रमुख प्रतिपक्षी दल नेपाली कांग्रेस भित्रको आन्तरिक द्वन्द्व अन्त्य गर्न आज तीन शीर्ष नेताहरु भेट गर्दै छन् । पार्टी सभापति शेरबहादुर देउवा निवासमा साँझ बोलाइएको बैठकमा असन्तुष्ट नेता रामचन्द्र पौडेल र कृष्णप्रसाद सिटौला सहभागी हुँदै छन् ।

गत पुस ११ गते सभापति देउवाले पौडेल र सिटौला पक्षको अनुपस्थितिमा केन्द्रीय कार्य समिति बैठकले गरेका निर्णयपछि विवाद चर्किएको थियो । देउवाले वहुमतको आडमा एकलौटी निर्णयको भन्दै पौडेर र सिटौला पक्षले ४७ जिल्ला सभापतिको भेला राजधानीमा गरेका थिए ।

त्यसपछि पार्टी सभापति देउवा चरम दवावमा परेका हुन् । लगत्तै उनले पार्टी भित्रको विवाद सुल्झाउन आफू तयार रहेको भन्दै पौडेल र सिटौलासँग छलफल गरी वार्ता टोली सकृय गरेका थिए । पार्टी उपसभापति विमलेन्द्र निधि र पूर्व महामन्त्रीद्वय प्रकाशमान सिंह र सिटौला रहेको वार्ता टोलीबीच यसबारे चरणवद्ध रुपमा छलफल भएका छन् ।

अब सोही वार्ता टोलीले तयार गरको खाकामा आज देउवा , पौडेल र सिटौलाबीच छलफल हुन लागको हो ।वरिष्ठ नेता पौडेल एक साता भारतको दिल्लीमा रहेकाले शीर्ष तहमा छलफल हुन सकिरहेको थिएन । पौडेल गत शनिबार स्वदेश फर्किएका हुन ।