राष्ट्रिय सभाका लागि मतदान जारी

९ माघ, काठमाडौं । राष्ट्रियसभाका लागि रिक्त १८ स्थानका लागि अहिले मुलुकका सातवटै प्रदेशमा मतदान भईरहेको छ । बिहान १० बजेबाट शुरु भएको मतदान बेलुकी ५ बजेसम्म हुने निर्वाचन आयोगले जनाएको छ ।

मतदानका लागि प्रदेशसभाका सदस्य, नगरपालिकाका प्रमुख तथा उपप्रमुख एवं गाउँपालिकाका प्रमुख र उपप्रमुख मतदाताका रुपमा रहेका छन् । प्रदेश नं. १ का लागि विराटनगरमा मतदान भइरहेको छ भने प्रदेश नं. २ को जनकपुरमा मतदान जारी छ ।

यसैगरी बाग्मती प्रदेशको लागि ललितपुरको जाउलाखेलमा मतदान भइरहेको छ । यस्तै, गण्डकी प्रदेशको पोखरामा मतदान भइरहेको छ ।

प्रदेश नं. ५ को लागि दाङको घोराहीमा र कर्णाली प्रदेशका निम्ति सुर्खेतको बीरेन्द्रनगरमा मतदान भइरहेको छ । यस्तै, सुदूर पश्चिम प्रदेशको लागि मतदान गर्न डोटीको सिलगुढीमा मतदाता पुगिसकेका छन् ।

फाेटाे फिचर:-