बिभिन्न कम्पनीका ६३४ थान मोवाईलसहित २ जना पक्राउ

९ माघ काठमाडौं । महानगरीय प्रहरी वृत्त थानकोट र प्रभाग नागढुङगाबाट संयुक्त रुपमा खटिएको प्रहरी टोलीले अबैध रूपमा भन्सार छली ल्याएका ६ सय ३४ थान मोवाईलसहित २ जनालाई पक्राउ गरेको छ ।

पक्राउ पर्नहरूमा डोटीका उमेश भट्ट र सिन्धुपाल्चोक शिखरपुर-१ का ईन्द्र बहादुर कटुवाल रहेका छन । प्रहरीले बुधबार विहान भैरहवाबाट काठमाण्डौ आउदै गरेको भारतीय DL2CAT707 नम्बरको कारलाई चेकजाँच गर्दा Samsung, Oppo, Iphone, Redmi, Realme, Mi, Vivo, Xiaomi, Lenova, Huwai, LG, Nokia लगाएत १८ वटा ब्रान्डका ६ सय ३४ थान मोवाईल बरामद गरेको छ ।

यसै गरी LCD Touch Screen ८६ थान समेत बरामद गरेको छ । सिट, डिकी लगायत बिभिन्न स्थानहरूलाई फल्स बटमको रुपमा प्रयोग गरी लुकाई छिपाई ल्याएको अबस्थामा प्रहरीले फेला पारेको हो ।

मोवाईलको अनुमानित बजार मुल्य १ करोड ५० लाख रूपैया रहेको महानगरीय प्रहरी वृत्त थानकोटले जनाएको छ । घटना सम्बन्धमा अनुसन्धान भईरहेको छ ।