देशभरको मौसम सफा

११ माघ काठमाडौं । जल तथा मौसम पूर्वानुमान महाशाखाका अनुसार देशका केही स्थानमा आंशिक बदली भए पनि देशभरको मौसम सामान्यतया सफा रहने छ ।

हाल नेपालमा उल्लेखनीय मौसमी प्रणालीको प्रभाव छैन । तर स्थानीय वायुको प्रभावका कारण केही क्षेत्रमा आंशिक बदली तथा तराईका क्षेत्रमा हुस्सु तथा कुहिरो लागेको छ ।

हाल पश्चिम तराई लगायत पूर्व र मध्य तराईका केही स्थानहरुमा हुस्सु–कुहिरो लागेको मौसमविदले बताएका छन् । पूर्वी तथा पश्चिम पहाडी भूभागका केही स्थानमा आंशिक बदली रहेको छ। बाँकी भूभागको मौसम सामान्यतया सफा रहेको मौसमविदले बताएका छन् ।

शनिबार दिउँसो देशका पहाडी भूभागमा आंशिक बदली रही बाँकी भूभागको मौसम सामान्यतया सफा रहनेछ। यस्तै राति पश्चिम पहाडी भूभागमा आंशिक बदली रही बाँकी स्थानको सामान्यतया सफा रहनेछ।

मौसमको अवस्था : Present Weather Status

पश्चिम तराई लगायत पूर्व र मध्य तराईका केही स्थानहरुमा हुस्सु/कुहिरो लागेको छ । पूर्वी तथा पश्चिमी पहाडी भूभागहरुका केही स्थानहरूमा आंशिक बदली रहेको छ। बाकी भूभागको मौसम सामान्यतया सफा रहेको छ।

आगामी तीन दिनको मौसम पूर्वानुमान

 माघ ११  गते (शनिबार)

दिउँसो : देशका पहाडी भू-भागमा आंशिक बदली रही बाकी भूभागमा मौसम सामान्यतया सफा रहनेछ।

रातीः  देशको  पश्चिमी पहाडी  भू-भागमा आंशिक बदली  रही बाँकि स्थानमा सामान्यतया सफा रहनेछ।

 माघ १२ गते (आइतबार)

दिउँसो : देशको  मध्य र पूर्वी भू-भागमा आंशिक बदली  रही बाँकी स्थानमा मौसम सामान्यतया सफा रहनेछ। तराईका भूभागहरुमा हुस्सु/कुहिरो लाग्ने सम्भावना रहेको छ।

रातीः  देशभर मौसम सामान्यतया सफा रहनेछ।

माघ १३ गते (सोमबार)

दिउँसो : देशको  पहाडी भू-भागमा आंशिक देखि सामान्य बदली  रहनेछ । मध्य र पूर्व तराईका भूभागहरुमा हुस्सु/कुहिरो लाग्ने सम्भावना रहेको छ।

रातीः  देशको  मध्य र पूर्वी भू-भागमा आंशिक देखि सामान्य बदली  रही बाँकी स्थानमा आंशिक बादली रहनेछ।

आगामी २४ घण्टाका लागि चेतावनी तथा परामर्श (Warning/Advisory for next 24 hrs.):–
पश्चिम तराई लगायत पूर्व र मध्य तराईका केही  भू-भागमा  हुस्सु/कुहिरो रहने र ती स्थानहरुमा घाम राम्रोसँग नलाग्ने भएकोले चिसोबाट बच्ने उपाय अपनाउनु हुन अनुरोध छ।