एसएसपी शौरभ निलम्बनमा

१७ माघ, काठमाडौं । यौन हिंसाको उजुरी परेपछि नेपाल प्रहरीका वरिष्ठ प्रहरी उपरीक्षक एसएसपी शौरभ शमसेर राणालाई गृहमन्त्रालयले निलम्बन गरेको छ । संघीय प्रहरी इकाई कार्यालय सुनसरी(धरान)मा कार्यरत एसएसपी राणालाई शुक्रबार मन्त्रालयले निलम्बन गरेको हो ।

बहालवाला एसएसपी राणाले यौन हिंसा गरेको उजुरी परेपछि प्रमाण नष्ट हुनसक्ने भन्दै थप अनुसन्धानका लागि निलम्बन गरिएको गृहका एक जना उपसचिवले नेपालबहसलाई बताए । यसबारे विस्तृत अध्ययन गर्न गृह मन्त्रालयले प्रहरी प्रधान कार्यालयलाई पत्राचारसमेत गरेको छ ।

यसबारे प्रकृया अगाडि बढेको छ, गृह मन्त्रालय स्राेतले भनेकाे छ – अब राणामाथि तुरुन्तै छानबीन हुने छ । पीडित महिलाले गृहमन्त्री रामबहादुर थापा र सचिव प्रेमकुमार राईलाई भेटी आफूलाई यौन दुर्व्यबहार गर्ने एसएसपीलाई तत्काल कारबाही गर्न माग राखेकी थिइन् । एसएसपी राणाले भने आफूलाई फसाउन खोजेको प्रतिक्रिया दिएको पनि गृह स्रोतले जनाएको छ ।