पुर्बी नवलपरासीमा कुपोषण फैलिने क्रममा

मिना कंडेल

१७ माघ, काठमाडौं । पूर्वी नवलपरासीको आठ पालिकामा २८६ जना बालबालिकामा कुपोषण भएको पाइएको छ । गण्डकी प्रदेशको एक मात्र तराइृको जिल्ला पुर्बी नवलपरासीको नवलपुरमा यति धेरैे संख्यामा बालबालिकामा शीघ्र कुपोषणको समस्या भएको सुआहारा कार्यक्रम संचालन गरिरहेको संस्था बेस नेपालका शालिकराम पोखरेलले बताए । पालिका मध्ये सबै भन्दा बढि कावासोती नगरपालिकामा ९२ जना बालबालिकामा शीघ्र कुपोषण पाइएको पोखरेलले बताए ।

यसै गरि नेपालकै दोस्रो बालमैत्री नगरपालिका देबचुली नगरपालिकामा चार सय ८७ जना बालबालिकामा स्वास्थ्य परिक्षण गर्दा ४६ जनामा कुपोषण भएको पाइएको सुआहारा नवलपरासीका जिल्ला संयोजक कृष्ण गुरुङले बताउनु भयो । ४६ जना मध्ये छ जनामा शीघ्र कुपोषण पाइएको छ भने ४० जनामा मध्यम खालको कुपोषण पाइएको गुरुङले बताए ।

पछिल्लो समयमा देवचुली नगरपालिकाले शुरु गरेको यस किसिमको परिक्षणले बालबालिकाहरुले बढी मात्रामा जंगफुड खाने र अभिभावकहरुले बालबालिकाको खानपानमा ध्यान नदिने गर्दा यति धेरै बालबालिकामा कुपोषण देखा परेको संयोजक गुरुङले बताए ।

देवचुली नगरपालिका र सुआहाराले नगरभित्रका बालवालिकामा संयुक्त रुपमा कुपोषण परीक्षण शुरु गरेको छ । देबचुली नगरपालिकाका नगरप्रमुखं पूर्णकुमार श्रेष्ठले नगरपालिकामा कुपोषणको समस्या भयाबह भएको भन्दै बालमैत्री नगरलाई कुपोषणमुक्त बनाउन लागि पर्नै भन्दै प्रतिबद्धता व्यक्त गरे ।

देवचुली नगरपालिका भित्रका सम्पूर्ण व्यक्तिहरुमा स्वस्थ जिवनशैली निमार्ण गर्न नगरपालिकाले विभिन्न कार्यक्रमहरुको आयोजना गर्ने प्रमुख प्रशासकिय अधिकृत विष्णुप्रसाद भुसालले बताए । बालबालिकाको स्वास्थ्य प्रति अभिभावकको भुमिका बढि हुने भएकाले आफ्ना बालबालिकाको खानपानमा ध्यान दिन प्रमुख प्रशासकिय भुषालले अभिभाबकलाई आग्रह गरे ।