आज पहाडी भेगका केही ठाउँमा हल्का पानी पर्ने

१८ माघ काठमाडौं । जल तथा मौसम पूर्वानुमानका अनुसार शनिबार पहाडी भेगका केही ठाउँमा हल्का पानी पर्ने सम्भावना रहेको छ । यस्तै उच्च पहाडी तथा हिमाली क्षेत्रमा हिउँ पर्ने सम्भावना छ । अरु ठाउँमा भने सामान्य बदली रहनेछ ।

कमजोर पश्चिमी निम्नचापीय प्रणालीको प्रभावले मौसम बदली भएको महाशाखाले जनाएको छ । यही प्रणालीको कारण मध्य तथा पश्चिमी पहाडी भेगमा केही दिनदेखि आंशिक बदली भइरहेको छ ।

भोलि र पर्सि पानी तथा हिउँ पर्ने सम्भावना नभए पनि सामान्य बदली भने हुने मौसमविदको भनाई छ । तराईका केही ठाउँमा हुस्सु र कुहिरोका कारण घाम नलाग्ने तथा उच्च पहाडी र हिमाली भेगमा हल्का वर्षा र हिमपात हुने भएकाले चिसोबाट बच्न पनि मौसमविदले आग्रह गरेका छन् ।

आगामी तीन दिनको मौसम पूर्वानुमान

माघ १८ गते (शनिबार)

दिउँसोः  देशका पहाडी भू-भागमा आशिंक देखि सामान्य बदली रहि बाँकी भू-भागमा मौसम सामान्यतया सफा रहनेछ। देशको पहाडी भू-भागका थोरै स्थानहरुमा हल्का वर्षाको संभावना रहेको छ। उच्च पहाडी तथा हिमाली भू-भागमा हल्का हिमपातको संभावना रहेको छ।

रातीः पहाडी तथा हिमाली भू-भागमा आंशिक देखि सामान्य बदली रही पहाडी भू-भागका एक-दुई स्थानहरूमा हल्का बर्षा र हिमाली भू-भागका केहि स्थानहरूमा हल्का हिमपातको सम्भावना रहेको छ। बाँकी भू-भागमा मौसम सामान्यतया सफा रहनेछ।

माघ १९ गते (आइतबार)

दिउँसोः पुर्वी तथा मध्य पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहनेछ।

रातीः देशभर मौसम सामान्यतया सफा रहनेछ।

माघ २० गते (सोमबार)

दिउँसोः पुर्वी तथा मध्य नेपालका भू-भागमा आंशिक देखि सामान्य बदली रही बाँकी भू-भागमा मौसम सामान्यतया सफा रहनेछ।

रातीः देशका पहाडी भू-भागमा आशिंक देखि सामान्य बदली रहनेछ। बाँकी भू-भागमा मौसम सामान्यतया सफा रहनेछ।

आगामी २४ घण्टाका लागि चेतावनी तथा परामर्श (Warning/Advisory for next 24 hrs.):–
तराईका केही स्थानहरुमा हुस्सु/कुहिरोका कारण घाम राम्रो सँग नलाग्ने भएकोले चिसो बाट बच्ने उपाय अपनाउनु हुन अनुरोध छ। साथै पहाडी भू-भागमा हल्का वर्षा र उच्च पहाडी र हिमाली भू-भागमा हल्का हिमपातका कारण तापक्रममा गिरावट आउन सक्ने हुनाले सावधानी अपनाउन हुन अनुरोध छ ।