एमसीसी पारित गर्न प्रधानमन्त्रीले भोज खुवाउने

१९ माघ काठमाडौं । प्रधानमन्त्री केपी शर्मा ओलीले नेपाल कम्युनिस्ट पार्टी (नेकपा) बाट प्रतिनिधिसभा र राष्ट्रियसभामा  प्रतिनिधित्व गर्ने सांसदहरूलाई बालुवाटारमा भोज खुवाउने भएका छन् ।

प्रधानमन्त्रीले मिलेनियम च्यालेन्च कर्पोरेसन (एमसीसी) का विषयमा सांसदहरूसँग परामर्शका लागि रात्रिभोजको आयोजना गरेको बताइएको छ । भोजमा आउन नेकपा सांसदलाई एसएमएस मार्फत निम्तो गरिएको छ ।

म्यासेजमा लेखिएको छ “२०७६-१०-१९ गते साँझ ६ बजे पिएमनिवास बालुवाटारमा रात्रिभोज आयोजना गरिने भएको हुँदा उपस्थितिका लागि अनुरोध गरिन्छ।”