एनसेलले कर नतिरेसम्म फ्रिक्वेन्सी नदिन लेखाको निर्देशन

१९ माघ काठमाडौं । आइतबार बसेको संसदको सार्वजनिक लेखा समितिले दुरसञ्चार सेवा प्रदायक कम्पनी एनसेलले १२ औं पटकको बिक्रीको पूँजिगत लाभ कर नतिरेसम्म फ्रिक्वेन्सी नदिन सरकारलाई निर्देशन दिएको छ ।

सरकारले एनसेलमाथि २२ अर्ब ४४ करोड ५३ लाख ९७ हजार ९ सय ५५ रुपैयाँ कर निर्धारण गरिसकेको छ। यसमध्ये करिब साढे ४ अर्ब रुपैयाँ मात्रै सरकारलाई बुझाईसकेको छ। सर्वोच्च अदालतको २०७६ भदौ ९ गतेको आदेशले २०७६ मंसिर १९ गते आयकर ऐन २०५८ को दफा १ सय २० बमोजिम पूँजिगत लाभकर बापत २२ अर्ब ४४ करोड ५३ लाख ९७ हजार ९ सय ५५ रुपैयाा ५ पैसा निर्धारण गरेको थियो ।