विकास आयोजनामा प्रधानमन्त्री असन्तुष्ट

२६ माघ, काठमाडौं । प्रधानमन्त्री केपी शर्मा ओलीले विकास आयोजनामा उपलब्धी नभएको प्रति असन्तुष्टि व्यक्त गरेका छन् ।

आइतबार बसेको राष्ट्रिय विकास समस्या समाधान समितिको ४७ औं बैठकमा प्रधानमन्त्री ओलीले हालसम्मका विकासका गतिविधमा केही उपलब्धी भए पनि सन्तोष गर्न नसकिने भएको बताए ।

उनले पुँजीगत खर्च अतिकम भएको भन्दै असन्तुष्टि पोखे । आयोजना ढिलाइ हुँदा प्रतिफल पनि ढिला हुने कुरामा सरोकारवाला निकायलाई सचेत गराए ।