चीनमा रहेका नेपालीहरुलाई तत्काल नेपाल फर्काइयोस : राष्ट्रिय मानव अधिकार आयोग

२६ माघ, काठमाडौं । राष्ट्रिय मानव अधिकार आयोगले चीनमा रहेका नेपालीहरुलाई यथाशीघ्र नेपाल फर्काउन आग्रह गरेको छ । आइतबार आकस्मिक बसेको आयोगको बैठकले सरकारलाई यस्तो आग्रह गरेको हो ।

सरकारको ध्यानाकर्षण गराउँदै आयोगले चीनमा रहेका नेपालीहरुको उद्धारको प्रक्रिया अघि बढाउन भनेको छ । आयोगका अध्यक्ष अनुपराज शर्माले स्वास्थ्य मन्त्रालय र प्रधानमन्त्री तथा मन्त्रिपरिषद् कार्यालयले नेपालीहरुको यथाशीघ्र उद्धार गर्नुपर्ने बताए ।

चीनको हुवेई प्रान्तको वुहानमा करिव १८५ विद्यार्थी रहेका छन् । वुहानलाई नेबेल कोरोना भाइरसको इपिसेन्टर मानिन्छ । कोरोना भाइरसका कारण करिव सात सय जनाको मृत्यु भइसकेको छ ।