जापानी भाषामा पर्चा बाढेर नेपाल भ्रमण बर्षको प्रचारप्रसार

२८ माघ, काठमाडौं । नेपालको बारेमा जापानी भाषामा लेखिएको पर्चा बाढेर जापानमा नेपाल भ्रमण बर्षको प्रचारप्रसार गरिएको छ ।

जापानको अतिनै ब्यस्त शहर इकेबुक्रो स्टेसन अगाडि भएको एसिया फेस्टिबलमा गैर आवासीय नेपाली संघ जापानको पहलमा सनिवार र आइतबार उक्त प्रचारप्रसार गरिएको थियो । नेपाल भ्रमण बर्षको स्टलनै राखेर गरिएको प्रचारप्रसारमा नेपालको बारेमा जापानी भाषामा लेखिएको करिब पाँच हजार पर्चा बाढिएको गैर आवासीय नेपाली संघ जापानका अध्यक्ष देवीलाल भण्डारीले जानकारी दिए । उनले भने “ सबै जापानीले अङ्ग्रेजी भाषामा बुझ्न अप्ठ्यारो हुने भएका हुँदा उनिहरुकै भाषामा नेपालको बारेमा जानकारी बाढेका हौ । “

“भ्रमण बर्षको प्रचारप्रसार गरियो तर टिकट कहाँ लिने कहाँ कहाँ घुम्ने कुन मौसममा घुम्न लायक हुन्छ ।” लगायतका सान साना कुरा समेत समेटेर पर्चा तयार पारिएको अध्यक्ष भण्डारीले बताए । यो पर्चा पछि जापानी पर्यटकहरु बढ्ने पनि उनको दावी छ ।

बर्मा, थाइल्यान्ड,भियतनाम, मलेसिया, चाइना लगायतका देशहरुको सहभागिता भएको उक्त एसिया मेलामा नेपाललाई चिनाउने लाखे, कौडा लगायतका नृत्यहरु पनि प्रस्तुत गरिएको भण्डारीले जानकारी दिए ।

फेब्रुअरी १४ र २२ मा जापान सरकारले जापानका विभिन्न स्थानमा गर्न लागेको विभिन्न कार्यक्रमहरुमा पनि नेपाल भ्रमण बर्षको प्रचारप्रसार गर्ने तयारी भएको अध्यक्ष भण्डारीले नेपालबहस लाई जानकारी दिए ।