१ अर्ब ५० करोड माथिको कारोवार हुँदा बजार मुख्य प्रतिरोध क्षेत्रमा पुगेकै हो ?

२८ माघ, काठमाडौं । साताको तेश्रो कारोवार दिन नेप्से परिसूचकमा दोहोरो अंकको वृद्धि देखिएको छ । हिजो सामान्य अंकले वृद्धि भएको बजार आज १७ दशमलव ११ अंकको वृद्धि देखाएकाे छ । आज ४० लाख १८ हजार कित्ता शेयर खरीद बिक्री भएकोमा कारोवार रकम भने वृद्धि भएर १ अर्ब ५४ करोड पुगेको छ । आज बजारले बुलिश आकृति बनाएको थियो ।

बजारलाई मुख्य ड्राइभ गर्ने वाणिज्य बैंकको उपसुचकमा १ दशमलव २७ प्रतिशतको वृद्धिसंगै बजारलाई टेवा पुगेको देखिन्छ । आज माईक्रोफाईनान्स उपसुचकमा सर्वाधिक ३ दशमलव २ प्रतिशतको वृद्धि हुँदा ट्रेडिङ्ग उपसुचकमा सर्वाधिक १ दशमल ३३ प्रतिशतको गिरावट आएको छ। आज ट्रेडिङ्ग उपसुचहक बाहेक सम्पूर्ण उपसुचकमा वृद्धि देखिएको छ ।

बजार १३२४ दशमलव ३१ को विन्दुमा खुलेकोमा १३४२ दशमलव ९१को उच्च विन्दु सम्म पुगेको थियो । बजारले ११ बजेर ३७ मिनेटमा उच्च विन्दु समातेको थियो । त्यस्तै बजारको न्यून विन्दु र खुला विन्दु एकै रहेको छ । बजारले ११ बजेर ३७ मिनेटमा बनेको आजको उच्च विन्दु तोड्न धेरै प्रयास गरे पनि त्यो असफल भएको थियो । अन्त्यमा बजार उच्च विन्दुमै बन्द हुन खोजेको थियो ।

आज सर्वाधिक कारोवार हुने, कमाउने र गुमाउने कम्पनीहरु :

माघ २८ गतेको प्राविधिक विस्लेषण 

मुख्य प्रतिरोध : १३५० देखि १३६० पहिलो टेवा : १३३०

• आज नेप्से बढ्दो प्रवृत्तिमा रहेको छ। बढेको बजारमा कारोबार रकमले समर्थन गरेको छ ।
• आजको मैनबत्तीले “बुलिस मारुबोजु” चित्र बनाएको छ। यसले बजार बढ्न सक्ने जानकारी गर्दछ ।
• दैनिकी अवधिमा “आरएसआई” ६५ दशमलब २५ को बिन्दुमा छ। आरएसआईको प्रवृत्तिले बजारमा खरिदकर्ताको चाप हुन थालेको  जानकारी गराएको छ ।
• “एडिएक्स” सामान्य रहे पनि जोड र बेजोड “डाइरेक्सनल इन्डेक्स”हरुले खरिदकर्ताको चाप हुन थालेको जानकारी दिएको छ ।
• “अन ब्यालेन्स भल्यूम” ले आज बजारमा खरिदकर्ताको चाप रहेको जनाएको छ ।
• नेप्से बढेमा मुख्य प्रतिरोध १३५० देखि १३६० को क्षेत्रमा पाउने देखिन्छ र घटेमा पहिलो टेवा १३३० को क्षेत्रमा पाउने देखिन्छ ।