मावारिद एक्सचेञ्जबाट पैसा पठाउँदा आइफोन र टिभी उपहार

राम प्रसाद ढुंगेल

२९ माघ, युएई । युएईको मावारिद एक्सचेञ्जले आफ्ना ग्राहकहरुलाई उपहारै उपहार प्रदान गर्ने भएको छ ।

युएईको दुबई र शारजाहमा रहेका आफ्ना ५ वटा शाखाहरुबाट रेमिट्यान्स गर्दा आइफोन र टिभीहरुका साथमा अन्य उपहारहरु पाइने जनाएको छ ।

नेपाली कामदारहरुलाई लक्षित गरी मावारिद एक्सचेञ्जमार्फत नेपालमा १०६ वटा शाखा भएको सिभिल बैंक र नेपालभरिका १० हजार एजेन्टहरुबाट सजिलोसँग पैसा निकाल्न सकिने सिभिल बैंकका युएई प्रतिनिधि सन्जीतजंग सिंहले जानकारी दिए।

मावारिद एक्सचेञ्जले अन्य एक्सचेञ्जभन्दा राम्रो रेट तथा पैसा पठाउदा लाग्ने शुल्क एकदम कम मात्र लाग्ने र सबै शाखाहरुमा नेपाली कामदार भएका कारण कारोबार सहज हुने सिंहले बताए।

सिंहका अनुसार बर दुबईको अस्टेरिया होटल अगाडिको बाटोबाट अदिल फुडस्ट्फसँगै रहेको मावारिद एक्सचेञ्ज, सोनापुरको ग्रान्ड हाइपरमार्केट (बस पार्क अगाडि), जेबल अली पार्को हाइपरमार्केट (बस पार्क अगाडि), शारजाह बुतिना र मुहेलामा नेस्टो हाइपरमार्केट रहेको मावारिद एक्सचेञ्जको शाखाबाट कारोबार गर्दा जो कोहीले उपहार पाउन सक्नेछन् ।

फेब्रुअरी १ देखि शुरु भएको यो अफर मार्च ३१ सम्म रहनेछ । आगामी अप्रिल ३ तारिख उपहार योजनाको नतिजा सार्वजनिक गरिनेछ ।