प्रतिरोध क्षेत्रमा रहेको बजारमा लघुवित्तको बुल कायमै, इण्ट्राडे चार्टले के देखायो ?

२९ माघ, काठमाडौं । साताको चौथो कारोवार दिन नेप्से परिसूचकमा सामान्य अंकको वृद्धि देखिएको छ । हिजो दोहोरो अंकले वृद्धि भएको बजारमा आज ४ दशमलव ६० अंकको वृद्धि देखाएकाे छ । आज ३९ लाख ८६ हजार कित्ता शेयर खरीदबिक्री भएकोमा कारोवार रकम भने १ अर्ब ५० करोड पुगेको छ ।

हिजो जस्तै आज माईक्रोफाईनान्स उपसुचकमा सर्वाधिक वृद्धि देखिएको छ । आज माईक्रो फाईनान्स उपसुचकमा २ दशमलव ४५ प्रतिशतको वृद्धि हुँदा हाईड्रोपावर उपसुचकमा सर्वाधिक शुन्य दशमलव ६९ प्रतिशतको गिरावट आएको छ । आज वाणिज्य बैंक, विकास बैंक र हाईड्रोपावर उपसुचहक बाहेक सम्पूर्ण उपसुचकमा वृद्धि देखिएको छ ।

बजार १३४१ दशमलव ०८ को विन्दुमा खुलेकोमा १३५३ दशमलव २९को उच्च विन्दुसम्म पुगेको थियो । बजारले ११ बजेर ३६ मिनेटमा उच्च विन्दु समातेको थियो । त्यस्तै बजारको न्यून विन्दु र खुला विन्दु एकै रहेको छ ।

आजको ईण्ट्राडे चार्ट हेर्दा बजारले त्यति सकारात्मक प्रवृत्ति बनाएको छैन। कारोबारको पहिलो समयमा बढेको बजार अन्तिम समयमा विक्रेताको चाप रहेको छ । आजको मैनबत्तीले कारोबारको पछिल्लो समयमा विक्रेताको चाप रहेको जानकारी गराएको छ ।

आज सर्वाधिक कारोवार हुने, कमाउने र गुमाउने कम्पनीहरु :

• नेप्सेले आज पनि १३५० देखि १३६० को मुख्य अवरोध क्षेत्रलाई सामना गरेको छ। कारोबारको पहिलो समयमा बढेको बजार अन्तिम समयमा विक्रेताको चाप रहेको छ।
• आजको मैनबत्तीले कारोबारको पछिल्लो समयमा विक्रेताको चाप रहेको जानकारी गराएको छ।
• दैनिकी अवधिमा “आरएसआई” ६६ दशमलब २३ को बिन्दुमा छ। आरएसआईको प्रवृत्ति भने आज सामान्य रहेको छ।
• “एडिएक्स” सामान्य रहे पनि जोड र बेजोड “डाइरेक्सनल इन्डेक्स”हरुले  खरिदकर्ताको चाप हुन थालेको जानकारी दिएको छ ।
• “अन ब्यालेन्स भल्यूम” ले बजारमा खरिदकर्ताको चाप रहेको जनाएको छ।
• नेप्से बढेमा मुख्य प्रतिरोध १३५० देखि १३६० को क्षेत्रमा पाउने देखिन्छ र घटेमा पहिलो टेवा १३३० को क्षेत्रमा पाउने देखिन्छ।