छ महिनामा मुनाफा घटाउने बाणिज्य बैंक चिनाैं
नेपालबहस संवाददाता
फागुन २, २०७६ शुक्रबार १७:१०:६
२ फाल्गुण, काठमाडाैं । २७ वटै वाणिज्य बैंकहरुले आर्थिक वर्ष ०७६/७७ को दोश्रो त्रैमासको वित्तीय प्रतिवेदन प्रकाशन गरेका छन् । सो मध्ये १९ वाणिज्य बैंकले खुद मुनाफामा वृद्धि गर्न सफल भएका छन् भने ८ वाणिज्य बैंकको खुद मुनाफा घटेको छ ।
स्थापित बैंकका रुपमा गनिएका नेपाल इन्भेस्टमेन्ट बैंकदेखि नबिल बैंक, सिद्धार्थ बैंक र नेपाल एसबीआई बैंकको समेत पछिल्लो दिन नाफा घटेको तथ्याकले देखाउँछ । सरकारी लगानी रहेको नेपाल बैंक र राष्ट्रिय वाणिज्य बैंकको पनि मुनाफा घट्दै छ । त्यस्तै सिभिल बैंक र सिटिजन्स बैंकले पनि मुनाफा घटाएका छन् ।
मुनाफा घटाएका वाणिज्य बैंकमध्य नेपाल बैंकको मुनाफा सर्वाधिक घटेको छ । नेपाल बैंकको खुद मुनाफा १९ प्रतिशतले घटेको छ । चालु आर्थिक वर्षको दोश्रो त्रैमाससम्म बैंकले १ अर्ब ३५ करोड खुद मुनाफा गरेको छ । अघिल्लो आर्थिक वर्षको दोश्रो त्रैमाससम्म बैंकले १ अर्ब ६६ करोड खुद मुनाफा गरेको थियो ।
त्यस्तै नेपाल इन्भेस्टमेन्ट बैंकको खुद मुनाफा पनि १६ प्रतिशतले घटेको छ । चालु आर्थिक वर्षको दोश्रो त्रैमाससम्म बैंकले १ अर्ब ६६ करोड खुद मुनाफा गरेको छ । अघिल्लो आर्थिक वर्षको दोश्रो त्रैमाससम्म बैंकले १ अर्ब ९७ करोड खुद मुनाफा गरेको थियो ।
त्यस्तै पछिल्लो समय एकदमै कमजोर बन्दै गएको सिभिल बैंकको खुद मुनाफा १५ प्रतिशतले घटेको छ । चालु आर्थिक वर्षको दोश्रो त्रैमाससम्म बैंकले ३१ करोड ६२ लाख खुद मुनाफा गरेको छ । अघिल्लो आर्थिक वर्षको दोश्रो त्रैमाससम्म बैंकले ३७ करोड ९ लाख खुद मुनाफा गरेको थियो ।
वरिष्ठ अर्थशास्त्री डा. शंकर शर्मादेखि कुशल बैंकर एवं सीए राजनसिंह भण्डारी लगायत देशका चर्चित व्यवसायीहरु मिलेर खोलेको सिटिजन्स बैंक इन्टरनेशनल पछिल्लो समय लगातार ओरालो लाग्ने क्रममा लागेको छ । सिटिजन्स बैंकको खुद मुनाफा ११ प्रतिशतले घटेको छ । चालु आर्थिक वर्षको दोश्रो त्रैमाससम्म बैंकले ६८ करोड ७७ लाख खुद मुनाफा गरेको छ। अघिल्लो आर्थिक वर्षको दोश्रो त्रैमाससम्म बैंकले ७७ करोड ०३ लाख खुद मुनाफा गरेको थियो ।
९९ दशमलव ९७ प्रतिशत शेयर स्वामित्व नेपाल सरकारको रहेको रास्ट्रिय वाणिज्य बैंकको खुद मुनाफा पनि ८ प्रतिशतले घटेको छ । चालु आर्थिक वर्षको दोश्रो त्रैमाससम्म बैंकले २ अर्ब २० करोड खुद मुनाफा गरेको छ । अघिल्लो आर्थिक वर्षको दोश्रो त्रैमाससम्म बैंकले २ अर्ब ४० करोड खुद मुनाफा गरेको थियो ।
विश्वकै धनी व्यक्तिकाे सुचीमा सुचिकृत विनोद चौधरीको बैंकको रुपमा चिनिने नबिल बैंकको खुद मुनाफा ६ प्रतिशतले घटेको छ । चालु आर्थिक वर्षको दोश्रो त्रैमाससम्म बैंकले २ अर्ब ४ करोड खुद मुनाफा गरेको छ। अघिल्लो आर्थिक वर्षको दोश्रो त्रैमाससम्म बैंकले २ अर्ब १७ करोड खुद मुनाफा गरेको थियो ।
मारवाडी बैंकको रुपमा परिचित सिद्धार्थ बैंकका पछिल्ला वित्तीय परिसुचकहरु खस्कँदो क्रममा लागेको देखिदैछ । सिद्धार्थ बैंकको खुद मुनाफा ४ प्रतिशतले घटेको छ । चालु आर्थिक वर्षको दोश्रो त्रैमाससम्म बैंकले १ अर्ब ०२ करोड खुद मुनाफा गरेको छ । अघिल्लो आर्थिक वर्षको दोश्रो त्रैमाससम्म बैंकले १ अर्ब ०६ करोड खुद मुनाफा गरेको थियो ।
त्यस्तै स्टेट बैंक अफ इन्डियाको ५५ प्रतिशत शेयर स्वामित्व रहेको रहेको नेपाल एसबीआई बैंकको खुद मुनाफा २ प्रतिशतले घटेको छ । चालु आर्थिक वर्षको दोश्रो त्रैमाससम्म बैंकले १ अर्ब खुद मुनाफा गरेको छ । अघिल्लो आर्थिक वर्षको दोश्रो त्रैमाससम्म बैंकले १ अर्ब २ करोड खुद मुनाफा गरेको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार