सांसद् उपाध्यायको निधन, प्रमको सम्बोधन रोक्न माग

२ फागुन काठमाडौं । नेपाली कांग्रेसका तर्फबाट राष्ट्रियसभाका सांसद् दुर्गाप्रसाद उपाध्यायको आज बिहान निधन भएको छ । रुपन्देहीबाट प्रतिनिधित्व गर्ने उपाध्याय क्यान्सरबाट पीडित थिए ।

५० वर्षीय सांसद् उपाध्यायको निधन भएकाले आज प्रधानमन्त्रीले गर्ने भनिएको प्रतिनिधिसभाको संवोधन स्थगन गर्न कांग्रेसले माग राखेको छ ।

आफ्नो दुई वर्षे कार्यकालको सफलता सुनाउन ओलीले प्रतिनिधिसभा बैठकमा संवोधन गर्न लागेका हुन् । दिउँसो २ बजेका लागि प्रतिनिधिसभा बैठक डाकिएको छ ।