ओलीको संवोधन स्थगित

२ फागुन, काठमाडौं । प्रधानमन्त्री केपी ओलीले आज प्रतिनिधिसभामा संवोधन गर्ने कार्यक्रम स्थगित भएको छ । राष्ट्रियसभाका सांसद् दुर्गाप्रसाद उपाध्यायको आज निधन भएकाले आजको संवोधन भोलिका लागि सारिएको संसद् सचिवालयले जनाएको छ ।

नेपाली कांग्रेसका तर्फबाट सांसद् उपाध्यायको निधन भएको भन्दै नेपाली कांग्रेसले आजको संवोधन स्थगन गर्न माग गरेको थियो । ओली सरकारको दुई वर्षे कार्यकालका उपलव्धिबारे जानकारी दिने उद्येश्यले आज संवोधनको तयारी थियो । दुई वर्ष अघि ०७४ फागुन ३ गते ओली सरकार गठन भएको हो ।