बीमाका लगानीकर्ता मालामाल, अबको बाटो के ? हेरौ बजारको टेवा र प्रतिरोध

४ फाल्गुन, काठमाडौ: लघुवित्त र बीमामा अत्याधिक मूल्य वृद्धि हुँदा दोश्रो बजारले केही दिनदेखि तोड्न नसकेको प्रतिरोध क्षेत्र आज तोडेको छ । बजारलाई मुख्य ड्राईभ गर्ने वाणिज्य बैंकको उपसुचकमा सामान्य वृद्धि देखिएपनि बीमा कम्पनीहरुले आजको बजारलाई तानेको देखिन्छ । साताको पहिलो दिन नेप्से परिसुचक दोहोरो अंकले वृद्धि हुँदै १३६३ दशमलव ९७ को विन्दुमा बन्द भएको छ । दोश्रो बजार १ दशमलव ४४ प्रतिशतले वृद्धि भए संगै कारोवार रकम पनि २ अर्ब नजिक पुगेको छ ।

बजारले आज बुलिस प्रवित्ति देखाएको छ । आज बजार खुलेबाटनै घट्न मानेको थिएन । आज बजारको न्यून विन्दु र खुला  विन्दु एउटै रहेको छ । आज बजारले अन्तिम समयमा आर्थात बजार बन्द हुँदा उच्च विन्दु बनाएको थियो । आज बजारको उच्च विन्दु र अन्तिम बन्द विन्दु १३६३ दशमलव ९७ रहेको छ ।  इण्ट्राडे चार्ट बुलिस हुनु, केही दिनदेखि तोड्न नसकेको प्रतिरोध तोड्नु र कारोवार रकम पनि वृद्धि हुनुलाई सकारात्मक रुपमा लिन सकिन्छ । केही दिनदेखि करेक्सन हुँदै वृद्धि भएको बजार आज राम्रो अङ्क वृद्धि हुनुलाई सकारात्मक रुपमा लिन सकिने जानकार बताउँछन ।

आज निर्जीवन बीमाको लिडर कम्पनी शिखर इन्स्योरेन्समा राम्रो मूल्य वृद्धि भएसंगै आज समस्त निर्जीवन सेक्टरले नै राम्रो वृद्धि हासिल गरेको छ । आज निर्जीवन उपसुचक सर्वाधिक ६ दशमलव ७२ प्रतिशतको वृद्धि देखिएको छ । त्यस्तै जीवन बीमा उपसुचकमा पनि ५ दशमलव २२ प्रतिशतको वृद्धि देखिएको छ। आज फाईनान्स, अन्य र म्युचल फण्ड उपसुचक बाहेक सबै उपसुचकमा वृद्धि देखिएको छ ।

आज सर्वाधिक कारोवार हुने, कमाउने र गुमाउने कम्पनीहरु:

प्राविधिक बिश्लेषण :

पहिलो प्रतिरोध : १३९० पहिलो टेवा : १३५०

• नेप्से आज १३६० को मुख्य प्रतिरोध क्षेत्रभन्दा माथि रहेको छ। कारोबार रकमले आज बजारमा खरिदकर्ताको चाप रहेको जानकारी गराएको छ ।
• आजको मैनबत्तीले “बुलिस मारुबोजु” को चित्र बनाएको छ। यसले बजारमा माग बढेको र केहि समयसम्म क्रेताको चाप हुन सक्ने जानकारी गराउँदछ ।
• दैनिकी अवधिमा “आरएसआई” ६९ दशमलब ७९ को बिन्दुमा छ। यो अक्सिलेटरले बजारमा खरिदकर्ताको चाप हुन थालेको जनाएको छ ।
• “एडिएक्स” सामान्य रहेको छ भने जोड र बेजोड “डाइरेक्सनल इन्डेक्स”हरुले बजारमा खरिदकर्ताको चाप रहेको  जानकारी गरेको छ ।
• “अन ब्यालेन्स भल्यूम” र बजारको प्रवृत्ति सकारात्मक रहेको जनाएको छ ।
• नेप्से बढेमा पहिलो प्रतिरोध १३९० को क्षेत्रमा पाउने देखिन्छ र घटेमा पहिलो टेवा १३५० को क्षेत्रमा पाउने देखिन्छ ।