सीआईबीमा ठगी मुद्धा दायर, गच्छदारसहितका ११० व्यक्तिहरू कुनै पनि बेला पक्राउ पर्न सक्ने

४ फागुन, काठमाडौं । नेपाल प्रहरीको केन्द्रीय अनुसन्धान ब्यूरो (सीआईबी) मा ११० जना बिरुद्ध ठगी गरेको आरोपमा उजूरी दर्ता भएको छ । उजूरी दर्ता भएपछि आरोपितलाई पक्राउ गरी कानूनी कारबाही गर्न सीबीआईलाई बाटो खुला भएको छ ।

सीआईबीले थप अनुसन्धानका लागि भन्दै अब कुनै पनि बेला आरोपित जो कसैलाई पक्रन सक्ने अवस्था छ – प्रहरी स्रोतले बतायो । गत माघ २२ गते अख्तियार दुरुपयोग अनुसन्धान आयोगले पूर्व उपप्रधानमन्त्री विजय गच्छदारसहित ११० जना उपर मुद्धा दायर गरिसकेको छ ।

साथै ६५ जना विरुद्ध सरकारी जग्गा फिर्ता गर्ने सम्वन्धमा विशेष अदालतमा मुद्धा दायर भइसकेको छ । अभियुक्तमध्ये जो कसैलाई कुनै पनि बेला प्रहरीले पक्रन सक्ने वाटो खुलेकाले जे पनि हुन सक्ने प्रहरी स्रोतको भनाई छ ।