अस्पताल बनाउन भन्दै सरकारसंग २३ वर्ष पहिले लिएको जग्गा उपयोगविहीन, भूमाफिया सक्रिय
नेपालबहस संवाददाता
फागुन ५, २०७६ सोमबार १६:४०:३३
५ फागुन, काठमाडौं । बाँकेको कोहलपुर नगरपालिकास्थित लर्ड बुद्ध एजुकेशनल एकेडेमी लिमिटेडको १३ बिघा जग्गा २३ वर्षदेखि उपयोगविहीन बनेको छ ।
एकेडेमीले अस्पतालको भौतिक संरचना बनाउन भन्दै तत्कालीन सरकारसंग २३ बुँदे सम्झौता गरी जग्गा भाडामा लिएको थियो । एकेडेमीले सोही जग्गामा नै अस्पताल निर्माण गरी सञ्चालन गर्ने सहमति सम्झौतामा भएको थियो । तर, एकेडेमीले सम्झौताविपरीत कोहलपुर नगर विकास समितिबाट सहुलियत दरमा १० बिघा जग्गा लिइ भौतिक संरचना बनाई अस्पताल सञ्चालन गरेको भेटिएको छ । अहिले कोहलपुरमा रहेको नेपालगञ्ज मेडिकल कलेज शिक्षण अस्पताल सञ्चालन भएको जग्गा नगर विकास समितिबाट प्राप्त सहुलियतको हो ।
तत्कालीन शिक्षा मन्त्रालयका तर्फबाट निमित्त सचिव जयराम गिरी र एकेडेमीका अध्यक्ष मुकुन्दभक्त श्रेष्ठ बीचमा २०५३ पुस ४ गते उक्त जग्गा भाडाका लागि २३ बुँदे सम्झौैतापत्रमा हस्ताक्षर भएको जनाइएको छ । साविक रझेना गाविस–४ को कित्ता नं ९८ मा रहेको १३ बिघा जग्गा भाडामा लिइएको थियो ।
सम्झौतापत्रमा ४९ वर्षपछि जग्गामा निर्माण भएका पूर्वाधार तथा उपकरण र अन्य सामग्री नेपाल सरकारको मातहतमा हुने सहमति छ । एकेडेमीले जग्गा भाडाबापत अस्पतालले एक जना विद्यार्थी बराबर सात श्ययाको अस्पताल निर्माण गर्ने, आर्थिक अवस्था कमजोर रहेका नागरिकलाई निःशुल्क औषधि र ३० प्रतिशत श्यया पनि उपलब्ध गराउने सहमति छ ।
एकेडेमी तथा नेपालगञ्ज मेडिकल कलेजका प्रबन्ध निर्देशक डा सुरेश कनोडियाले उक्त जग्गा सरकारलाई फिर्ता गरिसकेको जानकारी दिए । “जग्गा नेपाल सरकारको हो, हामीले संस्थागत रूपमै निर्णय गरेर नेपाल सरकारलाई फिर्ता गरिसक्यौँ”, उनले भने, “अब सरकारले के गर्छ भन्नेबारे त्यो उसको कुरा हो, हामीलाई थाहा छैन ।”
सम्झौताअनुरूप काम नभएपछि जग्गा फिर्ता लिने प्रक्रियामा अघि बढाइएको नगर विकास समितिका अध्यक्षसमेत रहेका कोहलपुर नगरपालिकाका प्रमुख लुटबहादर रावतले बताए । “लर्ड बुद्ध एजुकेशनल एकेडेमीले सम्झौता रद्द गरेर जग्गा प्रयोग गर्नुहोस् भन्ने पत्र नगरपालिकामा पठाएको छ”, उनले भने ।
सम्झौतापत्रअनुसार वडा नं २ मा रहेको उक्त जग्गा तथा भवन बेचबिखन दान दातव्य वा अन्य कुनै तरिकाबाट अरू कसैलाई हस्तान्तरण गर्न पाइँदैन । उक्त जग्गा भाडामा लिएबापत एकेडेमीले नेपाल सरकारलाई वार्षिकरुपमा रु एक लाख भाडा दिने सहमति छ । उक्त जग्गा श्रेस्ता दर्ता गर्न केही भूमाफिया सक्रियसमेत भएको स्थानीय बताउँछन् ।
“अस्पतालले जुन पहिले सरकारबाट प्राप्त गरेको जग्गा छ, त्यसैमा संरचना बनाएर अस्पताल शुरू गर्नुपर्ने हो”, कोहलपुर–२ का स्थानीय महेश रिजालले भने, “एकेडेमीले उक्त जग्गा बाँझै वा अलपत्र छोडेर नगर विकास समितिले सहुलियतमा प्रदान गरेको जग्गामा भौतिक संरचना निर्माण गरेको देखिएको छ ।”
४९ वर्षका लागि भाडामा लिइएको जग्गामा एकेडेमीले अहिलेसम्म कुनै पनि संरचना निर्माण नगरेको कोहलपुर नगर विकास समितिका अध्यक्ष लुटबहादुर रावतले जानकारी दिए । अहिले उक्त कित्ता रहेको जग्गामा मन्दिर निर्माण र जनविश्वास सहकारी संस्थाको भवन, यातायात व्यवस्था कार्यालयको ट्रायल स्थल, उच्च माध्यमिक शिक्षा परिषद्को भवन तथा मेडिकल कलेजमै कार्यरत स्वीपर पदमा कार्यरत कर्मचारीको बसोबास छ ।
उक्त जग्गामा कोहलपुर नगरपालिकाले सभागृह निर्माण गर्ने तयारी गरेको छ । नगरपालिकाले यातायात व्यवस्था कार्यालय नेपालगञ्जलाई भवन निर्माणका लागि पाँच कट्ठा जग्गा उपलब्ध गराएको उनले बताए तर, जग्गा उपलब्ध गराएको लामो समयसम्म पनि यातायातले ट्रायल सेन्टर मात्र चलाएको र भवन निर्माणका लागि कुनै चासो नदेखाउँदा अन्य पूर्वाधारका काम अघि बढ्न सकेका छैनन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपडढेलोले म्याग्दीमा सात सय हेक्टर वन सखाप
बैशाख १२, २०८१ बुधबार
गोरखा भूकम्पको ९ वर्ष : विभिन्न सचेतनामूलक कार्यक्रम गरिँदै
बैशाख १२, २०८१ बुधबार
कतारका अमिर र प्रधानमन्त्री प्रचण्डबीच आज द्विपक्षीय भेटवार्ता
बैशाख १२, २०८१ बुधबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
इलाम उपनिर्वाचन, डरैडरमा उम्मेदवार
बैशाख ११, २०८१ मंगलबार
डढेलोले म्याग्दीमा सात सय हेक्टर वन सखाप
बैशाख १२, २०८१ बुधबार
गोरखा भूकम्पको ९ वर्ष : विभिन्न सचेतनामूलक कार्यक्रम गरिँदै
बैशाख १२, २०८१ बुधबार
एशियन च्याम्पियन्स लिगबाट बाहिरियो अल हिलाल
बैशाख १२, २०८१ बुधबार
स्वरोजगार प्रवर्द्धन गर्न युवालाई तालिम
बैशाख १२, २०८१ बुधबार
आइपिएलमा आज दिल्ली र गुजरातबीच खेल हुँदै
बैशाख १२, २०८१ बुधबार
चेन्नईमाथि लखनउको शानदार जित
बैशाख १२, २०८१ बुधबार