स्वस्थानी शैलीमा सांसद थापाको भनाइ

६ फागुन काठमाडौं । संसद् बैठकमा प्राय : सांसदहरुले औपचारिक भाषामा आफ्ना विचार प्रस्तुत गर्ने गरेको सुनिन्छ तर नेपाली कांग्रेसका सांसद गगन थापाले फरक शैलीमा भनाइ राखे।

प्रतिनिधिसभाको आजको शून्य समयमा सांसद गगन थापाले स्वस्थानी कथा शैलीमा व्यग्ङ्यात्मकरुपमा विचार प्रस्तुत गर्दै बालुवाटार जग्गा अनियमिततामा संलग्नमध्ये कसैलाई अख्तियार दुरुपयोग अनुसन्धान आयोगले मुद्दा दायर गरेको र केहीलाई छुट दिएको टिप्पणी गरे ।

एक मिनेट समय दिइने सो समयमा सांसद थापाले ‘कुमारजी आज्ञा गर्नुहुन्छ।।।’बाट शुरु गरेर ‘इति श्री स्कन्दपुराणे।।।’ मा आफ्नो लिखित भनाइको बिट मारेका थिए । बैठकमा सोही पार्टीका अत्तहरकमल मुसलमानले संसदमा बोल्दा सबै धर्मप्रति सद्भाव र मर्यादा व्यक्त हुनुपर्ने बताए भने सांसद उमा रेग्मीले सरकारको दुई वर्षे कार्यकाल असफल भएको जिकिर गरे ।

नेपाल कम्युनिष्ट पार्टी ‘नेकपा’का अमृता थापाले छाउगोठ भत्काउने राम्रो काम शुरु भएको तर यस्ता अन्धविश्वासी सोचविरुद्ध जनचेतना चलाउन माग गरे । नेकपाका जुलीकुमारी महतोले महिलामाथि भएका बलात्कारका घटनाका दोषीलाई पक्राउ गर्न माग गरे । सो पार्टीका खगराज अधिकारीले रामशाह सूचीमा सूचीकृत तालको अस्तित्व सङ्कटमा परेका संरक्षण गर्न माग गरे ।