पुरानो सामसुङ फोन छ ? छ भने साट्नुहोस् र नयाँ लिनुहोस् (फोन पाउने ठाउँसहित)

७ फागुन, काठमाडाैं । सामसुङ मोबाईलका लागि आधिकारिक विक्रेता, इन्ट्रीगेटेड मोविलिटी सोलुशन (आईएमएस)ले आफ्ना अधिकांश आईएमएस स्मार्ट शोरूमहरूमा सामसुङ एक्सचेन्ज सुविधा ल्याएको छ । ग्राहकहरुले अब आफ्ना पुराना सामसुङ स्मार्टफोनहरुमा राम्रो मूल्याङ्कन प्राप्त गर्न सक्नेछन् साथै यस सुविधा मार्फत सामसुङ स्मार्टफोन साट्न (एक्सचेन्ज) गर्न सक्नेछन् ।

इच्छुक ग्राहकहरूले केवल आईएमएस स्मार्ट आउटलेटहरूमा गएर आफ्नो पुरानो स्मार्टफोनको विवरण दिनु पर्नेछ । कम्पनीले पुरानो स्मार्टफोनको उचित मूल्याङ्कन वेवपोर्टल मार्फत दिनेछ साथै एक्सचेन्ज फारम भर्न अनिवार्य रहेको बताएको छ । त्यसपछि ग्राहकहरूले आफ्नो पुरानो सामसुङ स्मार्टफोनको सट्टामा नयाँ सामसुङ स्मार्टफोन छनौट गर्न सक्नेछन् ।

तत्काल निम्न आईएमएस स्मार्ट शोरूमहरूमा एक्सचेन्ज सुविधा उपलब्ध गराइएको छ :
१. न्यूरोड, पाको, काठमाडौं
२. रोयल सिङ्गी होटेल आर्केड, कमलादी, काठमाडौं
३. पिपल्स प्लाजा, खिचापोखरी, काठमाडौं
४. अल्का अस्पताल नजिक, जावलाखेल, ललितपुर
५. शेर्पा मल, दरवारमार्ग, काठमाडौं
६. पिपलबोट चोकको नजिक, बौद्ध, काठमाडौं

कम्पनीले क्रमशः निकट भविष्यमा अन्य स्थानहरूमा पनि सुविधा विस्तार गर्ने जनाएको छ । कम्पनीका अध्यक्ष दीपक मलहोत्राका अनुसार यो सुविधा ग्राहकको माग बमोजिम नै ल्याइएको हो । सामसुङ फोन प्रयोग गर्ने धेरै प्रयोगकर्ताले दिएको सुझाव र सल्लाह अनुरुप नै नयाँ वर्ष २०२० को आगमन सँगै यो सुविधा लिएर आएको उनले बताए । आईएमएस ग्रुप नेपालमा छोटो समयमा नै व्यापार विस्तार गर्दै स्थापित बनेको संगठन हो ।

जसको २० वटा भन्दा बढि कम्पनी रहेको छ । आईएमएस नेपालको लागि सामसुङ स्मार्टफोनको राष्ट्रिय स्तरको विक्रेता हो । साथै नेपालमा पहिलो पटक १९९८ मा आधिकारीक रुपमा मोवाइल आयात गर्ने पहिलो कम्पनी पनि हो । विगत २७ वर्षको अन्तरालमा यो कम्पनीले विविध क्षेत्रहरुमा लगानी बढाउँदै आईरहेको छ ।