दुई प्रदेश जोड्ने मितेरी पुलको काम शुरु
नेपालबहस संवाददाता
फागुन ८, २०७६ बिहिबार २२:२५:३३
८ फागुन काठमाडौं । पाँच वर्षदेखि अलपत्र परेको कर्णाली प्रदेशको दैलेख र सुदूरपश्चिम प्रदेशको अछाम जोड्ने मितेरी पुल निर्माण पुनः शुरु भएको छ । दैलेखको पश्चिम आठबीस नगरपालिकाको राकम कर्णाली र अछामको पञ्चदेवल विनायक नगरपालिका जोड्ने पुलको काम शुरु भएको हो ।
तीन वर्षभित्र बनाइसक्ने लक्ष्यका साथ विसं २०६८ असार २८ गतेदेखि निर्माण शुरु भएको पुलको पिलर हाल्ने क्रममा समस्या आएकाले पाँच वर्षअघिदेखि निर्माण अलपत्र परेको थियो । जग कर्णाली नदीको बीच भागमा बसाल्ने क्रममा ठूला ढुङ्गा भेटिएकाले जग बसाल्न नसकेको भन्दै निर्माण कम्पनीले ‘फाउण्डेशन’ बदलिदिन भन्दै काम छाडेको हो ।
सडक विभागअन्तर्गत पर्ने यो पुल निर्माणको जिम्मा काठमाडौँको राजेन्द्र जेभी निर्माण कम्पनीले पाएको छ । कर्णाली नदीको बीचमा करिब १६–१९ मिटरभन्दा तल ‘वेल फाउण्डेशन’ डिजाइनबाट बनाउन सम्भव नभएपछि डिजाइन बदलेर पुनः काम शुरु गरेको निर्माण कम्पनीले जनाएको छ । अहिले फाउण्डेशन बदलेर ‘वाइल फाउण्डेशन’ अन्तर्गत काम शुरु भएको सडक डिभिजन कार्यलय सुर्खेतका प्रमुख देवेन्द्र भट्टराईले जानकारी दिए ।
रु साढे १३ करोड लागत रहेको सो पुल छ मिटर चौडा र १२५ मिटर लम्बाइको डिजाइनमा निर्माण हुँदैछ । यो पुल निर्माण भएपछि कर्णाली प्रदेशको एक पर्यटकीय गन्तव्य राकमदेखि सुदूरपश्चिम प्रदेशका अछाम, बाजुरासम्म आर्थिक गतिविधि बढ्ने स्थानीय रमेशजङ्ग थापाले बताए ।
दैलेख–अछामको आर्थिक, सामाजिक, राजनीतिक र सांस्कृतिक हित हुने योजनाका साथ दैलेखको डाँडीमाडी, ठाटीकाँध राकम हुँदै अछाम प्रवेश गर्ने पर्यटकीय सडकअन्तर्गत सो पुल पर्दछ । सडक डिभिजन कार्यालयका अनुसार करिब रु पाँच करोड बराबरको बजेट एउटा पिलरमा सकिसकेको छ । पुल निर्माण भएपछि काठमाडौँ, पोखरालगायतका विभिन्न क्षेत्रबाट आउने यात्रुले सुदूरपश्चिम प्रदेशका पहाडी जिल्लामा सवारी यात्रा गर्न सक्ने आठबीसका वुद्धिजीवी गोकर्ण माझीले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपव्यवसायीलाई जरिवाना बढी भयोः वरिष्ठ उपाध्यक्ष श्रेष्ठ
माघ १५, २०८० सोमबार
तेस्रो मुलुकका लागि निर्यातको शुभारम्भ
माघ १२, २०८० शुक्रबार
महानगरविरूद्ध सडक व्यापारीले आन्दोलन गर्ने
माघ १२, २०८० शुक्रबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
सिराहामा बाहिरियो नेपाली विषयको प्रश्न पत्र
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार
क्रिप्टो संस्थापक ब्याङ्म्यान–फ्राइडलाई २५ वर्ष जेल सजाय
चैत १६, २०८० शुक्रबार
अन्तर्राष्ट्रिय अदालतद्वारा गाजामा निर्बाध सहायता अनुमति दिन आदेश
चैत १६, २०८० शुक्रबार