तनहुँमा मिनीबस एकआपसमा ठोक्किँदा ४० जना घाइते

११ फागुन तनहुँ । तनहुँको पृथ्वी राजमार्ग दुई वटा मिनीबस एकआपसमा ठोक्किँदा ४० जना घाइते भएका छन् । व्यास नगरपालिका–१२ कमलबारी नजिकै दमौलीबाट मुग्लिङ्गतर्फ आउँदै गरेको ना ७ ख २०६ नम्बरको बस र डुम्रेबाट दमौली जाँदै गरेको ना ५ ख २८५६ नम्बरको बस आइतबार बिहान एकआपसमा ठोक्किदा उक्त दुर्घटना भएको हो ।

दुर्घटनामा परी घाइते भएकाहरुको दमौलीस्थित रत्नहरि अस्पताल, एपोलो अस्पताल र पोखरा अस्पतालमा उपचार भइरहेको तनहुँ प्रहरीले जनाएको छ ।

घाइते मध्ये ना ५ ख २८५६ नम्बरको बसका चालकको अवस्था गम्भीर रहेकाले उनलाई थप उपचारका लागि पोखरा पठाइएको छ । ना ५ ख २८५६ नम्बरको बसले ओभरटेक गर्ने क्रममा उक्त दुर्घटना भएको प्रहरीले जनाएको छ ।