नेप्सेले अर्धशतक कटाएपछि लगानीकर्ता हर्षित, राजनीतिक तरंगले बजारमा उछाल
नेपालबहस संवाददाता
फागुन ११, २०७६ आइतबार २१:४:२६
११ फागुन, काठमाडौं । क्रिकेट खेलमा एउटै खेलाडीले अर्धशतक (५० रन) भन्दा माथि हानेपछि दर्शकदिर्घाबाट जसरी हुटिङको बर्षा हुन्छ, आज नेपाल स्टक एक्सचेन्जले त्यही हुटिङ र खुशी लगानीकर्तालाई दिएको छ । पटक-पटकको प्रयासपछि नेप्से आज सर्वाधिक ६९.५६ अंगमा पुग्न सफल भएको छ ।
आज कारोबार भइरहेका सबै उपसमूहको परिसूचक बढेका छन् । अन्य परिसूचकमध्ये बीमा र बैंकिङ्ग उपसमूहको परिसूचक उच्चदरले बढेको छ । पछिल्लो समय नेप्से निरन्तर उकालो लागेसँगै नयाँ लगानीकर्ताहरु बजार प्रवेश गर्न थालेकाले पनि बजारमा उत्साहजनक कारोबार भइरहेको छ ।
राजनीतिसँग जोडिएको नेप्से
अर्थ मन्त्रालय, नेपाल राष्ट्र बैंक, सरकार, राजनीति, धितोपत्र बोर्ड र देशको अर्थतन्त्रसँग प्रत्येक्ष सरोकार राख्ने धितोपत्र बजारमा हुने सानो परिवर्तन र चलखेलले बजारमा ठुलो प्रभाव देखा पर्नु नेपाल स्टक एक्सचेन्जको विगत छ ।
सोही अनुसार देशमा कम्यूनिष्ट शासन आएसँगै नयाँ कम्युनिष्ट अर्थमन्त्री डा. युवराज खतिवडाले अर्थतन्त्रको बागडोर सम्हाल्दै अर्थ मन्त्रालय प्रवेश गरेपछि घटेको नेप्सेले कहिल्यै पनि लगानीकर्तालाई खुलेर कारोबार गर्न दिएको थिएन । लगानीकर्ता उनका विरुद्ध पटक पटक आन्दोलन गर्न र आफ्नो अधिकारको लडाइँमा समय विताउँदै रहेका थिए । तर यिनै शेयरबजारका विरोधी खतिवडा अर्थ मन्त्रालयबाट बाहिरिन लागेको हल्ला बजारमा चलेपछि आज बजारले १५ सय ४ अंक पार गरेको छ ।
खेलमा वाइल्ड कार्ड इन्ट्री झैँ राष्ट्रिय सभा सदस्य बन्दै मन्त्री बनेका उनको अवधि यहि फागुन २० गते सकिने छ । तर पनि प्रधानमन्त्री खड्गप्रसाद ओलीको अति विश्वासपात्रमध्ये एक रहेका उनको समयअवधि थपिने या नथपिने भन्ने बारे विभिन्न आँकलन भइरहेका छन् । एकथरीले भने उनी कुनैपनि हालतमा नबाहिरिने र बाँकी कार्यकाल पनि उनैले सम्हाल्ने चर्चा कायमै छ ।
अर्काथरी भने उनको ठाउँमा बामदेव गौतमलाई ल्याउने तर्क गरिरहेका छन् । तर, यो तर्क मात्रै हो । एक नेकपा नेताले भने :– देशको बागडोर नै चलाउने उद्देश्यले हिँडेका गौतम जी मन्त्रालयमा नै रमाउनु होला भन्ने मलाई लाग्दैन । हेरौँ परिस्थितिले कुन मोड लिन्छ । यसै भन्नसक्ने अवस्था यहाँ छैन ।
कारोबार खुलेको पहिलो १८ मिनेट नपुग्दै ४४ अंक नजिक रहेको नेप्से विस्तारै घटेर १९ अंकको वृद्धि कायम गरिरहेको थियो । त्यसपछि बजारमा राजनीतिक तरंग पैदा भयो र आज नेप्सेले साढे दुई वर्षपछि रंग बदलेको छ । आज सबै उपसुचक हरियो भएका छन् ।
र याे पनि … ईतिहास बनेको दिनको प्राविधिक बिश्लेषणले के देखाउछ ?
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकालिका लघुवित्तले २०७९/०८० लाभांश वितरण नगर्ने
पुष २९, २०८० आइतबार
आईएमएफको मिसन टोली र सीबीफीनबीच भेटघाट
असोज १५, २०८० सोमबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
नेपालमा बस्छन ६० देशका अवैतानिक वाणिज्यदूत
चैत १५, २०८० बिहिबार
दैविक प्रकोप उद्वारका सामग्री हस्तान्तरण
चैत १५, २०८० बिहिबार
हवाई टिकटको भ्याट र होटलमा लगाइएको विलासी कर हटाउः महासंघ
चैत १५, २०८० बिहिबार