‘चार्टर फ्लाइट’बाट प्रम ओली निजी निवासमा, छानविनको दायरामा ल्याउन कांग्रेसकाे माग
नेपालबहस संवाददाता
फागुन ११, २०७६ आइतबार २१:५४:५७
११ फागुन, काठमाडौं । हेलिकप्टर नै चार्टर फ्लाइट गरेर प्रधानमन्त्री खड्गप्रसाद ओली जन्मदिन मनाउन भन्दै आफ्नो निजी निवास तेह्रथुमको आठराई अवतरण भएका छन् । उता ओली अवतरण गर्दा नगर्दै नेपाली कांग्रेसले मन्त्रीपरिषद् र ओली नेतृत्वको मन्त्रीमण्डलले गरेका निर्णयहरु देशको हितमा नभएको निष्कर्ष निकाल्दै उनलाई पनि छानविनको दायरामा ल्याउन माग गरेको छ ।
छायाँ सरकार गठन भएको झण्डै एक वर्षपछि प्रमुख प्रतिपक्षी दलका नेता शेरबहादुर देउवाको अध्यक्षतामा पहिलो मन्त्रिमण्डलको बैठक आज बस्यो । बैठकले हालै सञ्चारमन्त्री गोकुलप्रसाद बाँस्कोटाले सेक्युरिटी प्रेस खरिद प्रकरणमा विदेशी कम्पनीका एजेण्टसँग ७० करोड घूसको मोलमोलाई गरेकोमा विस्तृत छानविनको मुद्धा उठायो । लामो समय शिथिल देखिएको छायाँ मन्त्रिमण्डलको पछिल्लो सकृयताले नेपाली कांग्रेसका कार्यकर्तामा उत्साह थपिएको छ ।
गोकुलप्रसाद बाँस्कोटाको मात्र नभई अन्य मन्त्रालयमा समेत व्यापक हिनामिना भएको प्रसंग मिडियाले सार्वजनिक गरिसक्दा समेत विपक्षी दलले कुनै चासो नदिएको भन्दै बैठकमा सहभागी छायाँ मन्त्रीहरुलाई अब सकृय हुन निर्देशन दिइएको छ ।
छायाँ प्रधानमन्त्री देउवा स्वयं अब कांग्रेसले नेकपाबाट भएका अनियमितता र भ्रष्टाचारबारे खोजीनीति गरी जनताबीच उदांगो बनाउनुपर्ने कुरामा जोड दिएका छन् । सबै मन्त्रालयका छायाँ मन्त्रीहरुले गहिरो अध्ययन गरी प्रतिबेदन तयार गर्नुहोस् – देउवाले बैठकमा भने ।
मन्त्रिपरिषदको आडमा प्रधानमन्त्रीले नै भ्रष्टाचार गर्ने गरेको प्रसंग पनि बैठकमा उठेको थियो । पूर्वमन्त्री बाँस्कोटाको अडियो दुई महिना अघि नै प्रधानमन्त्री समक्ष पु¥याइएको विषय ज्यादै खतरनाक छ भन्दै देउवाले यो प्रकरणमा प्रधानमन्त्री समेत रहेका नेकपाका पार्टी अध्यक्ष खड्गप्रसाद ओलीलाई समेत छानविनको दायरामा ल्याएर छानविन गर्नुपर्ने माग गरेका छन् । देउवाको नेतृत्वमा गत जेठ महिनामा छायाँ सरकार गठन भएको थियो ।
तथापि बैठकपछि एक नेताले प्रधानमन्त्री समेत रहेका ओलीले जन्मदिनको नाममा हेलिकप्टर नै चार्टर गरेर जन्मदिन मनाउनु उचित र प्रसंग मुताविक नभएको बताए । उनले तर्क गर्दै भने :– एकजना व्यक्ति सर्वहारा वर्गको नेतृत्व गर्छु भन्दै सत्तामा पुगेर यो हदसम्मको क्रियाकलाप गर्नु नेपालको अहिलेको परिस्थितिमा ज्यादै नै अलोकप्रिय र भड्काउपूर्ण कार्य हो । यसले राम्रो सन्देश दिँदैन ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
सत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
इलाम क्षेत्र न. २ मा कांग्रेस र स्वतन्त्रको देखियो चहलपहल
यज्ञप्रसाद भट्टराई
बैशाख ८, २०८१ शनिबार
गोदावरी बैठक छाडेर घरमै आराम गरिरहेका छन ओली
नेपालबहस संवाददाता
बैशाख ९, २०८१ आइतबार
अमिर शेखको भ्रमणलाई लिएर सुरक्षामा कडाई
बैशाख १०, २०८१ सोमबार
रुद्रकली : कतारी अमिरलाई उपहार दिइने हात्ती
बैशाख १०, २०८१ सोमबार
कतारका अमिरको नेपाल भ्रमणः सार्वजनिक विदामै अलमलियो मन्त्रिपरिषद
बैशाख १०, २०८१ सोमबार
प्रधानमन्त्रीसँग रुसको चेम्बर्स अफ कमर्सका प्रतिनिधिमण्डलको भेट
बैशाख ११, २०८१ मंगलबार
आइपिएलमा आधा खेल सकिए, कस्तो भयो अंकतालिका ?
बैशाख ११, २०८१ मंगलबार
फिल्म ‘एक्टर’को शुभ मुहूर्त
बैशाख ११, २०८१ मंगलबार
मधुमेह बिरामीहरुको लागी स्वस्थ खाजा कसरी बनाउने ?
बैशाख ११, २०८१ मंगलबार
लोकतन्त्रमा लोकको कल्याण होस्
बैशाख ११, २०८१ मंगलबार
कतारका अमिरको स्वागतमा फेरियो काठमाडौंको स्वरुप (फोटोफिचर)
बैशाख ११, २०८१ मंगलबार