प्रहरी निरीक्षक बसन्त पाण्डे “महिनाको उत्कृष्ट प्रहरी”

११ फागुन बर्दिया । बिभागिय मुल्य मान्यता आदेश निर्देशनको पालना गरी व्यवसायिक लगनशिल र कर्तव्यनिष्ठ तवरले कर्तव्य पथमा तल्लिन भएकोमा प्रहरी निरीक्षक बसन्त पाण्डे महिनाको उत्कृष्ट प्रहरी घोषित भएका छन् ।

संगठित अपराध, अवैध हातहतियार खरखजना, चोरी, लागुऔषध, तस्करी जस्ता जघन्य प्रकृतिका घटना एवंम् अपराधको गहन विश्‍लेषण गरी सफल अनुसन्धान तथा नियन्त्रण गरी, उच्च मनोबल, साहस र निडरका साथ अपराधिक गतिबिधीमा संलग्न अभियुक्त तथा फरार अपराधिलाइ पक्राउ गरी कानुनी दायरामा ल्याई आम नागरिक समक्ष सुरक्षाको प्रत्याभूती दिलाएले उनलाई महिनाको उत्कृष्ट प्रहरी घोषित गरिएको जिल्ला प्रहरी कार्यालयका प्रहरी निरीक्षक सुशिल थापा मगरले बताए ।

प्रहरी निरीक्षक मगरका अनुसार संगठनको नीती निर्देशन अनुरुप “समुदाय प्रहरी साझेदारी” कार्यक्रममा बिशेष भुमिका निर्वाह गरी प्रहरी संगठनको छवी उच्च बनाई प्रशंसनिय कार्य गरेकोले ईलाका प्रहरी कार्यालय बगनाह, बर्दियामा कार्यरत प्रहरी निरीक्षक बसन्त पाण्डे लाई “महिनाको उत्कृष्ट प्रहरी” घोषणा गरिएको छ ।