नाफा नदेखाउने इँटा उद्योगीलाई फेरि घाटा

१५ फागुन, चितवन । तीन दिनदेखि परेको झरी र हुस्सुका कारण जिल्लाका इँटा उद्योगमा रु १५ करोड बराबरको क्षति भएको छ । यसअघि सामान्य वर्षाका कारण आंशिक क्षति भए पनि अहिले परेको पानीका कारण सुकाइएका कांँचो इँटामा ठूलो क्षति पुगेको हो ।

इँटा उद्योग सङ्घ चितवनका अध्यक्ष नारायण सापकोटाका अनुसार यो समय इँटा बनाउनका लागि उपयुक्त समय भए पनि भारी वर्षाका कारण कुनै इँटा काम नलाग्ने गरी क्षति भएको हो । वास्तविक तथ्याङ्क आइनसकेको भए पनि अनुमानित रु १५ करोड बराबरको क्षति भएको उनले जानकारी दिए ।

अहिलेको वर्र्षाका कारण जिल्लामा रहेका इँटा उद्योग बन्द हुने अवस्थामा पुगेको उनको भनाइ छ । जिल्लामा १८ वटा इँटा उद्योग संचालनमा रहेको छ । एक स्थानीय भन्छन्, उद्योगीहरु घाटा खाँदा र अफ्टयारोमा पर्दामात्रै संचारर्कीलगायतका विभिन्न ठाउँमा हार गुहार गर्ने गर्छन् तर उद्योग व्यवस्थापन र मापदण्डमा ध्यान दिँदैनन् । नाफा कमाउने बेलामा कोही कसैको गुहार सुन्दैनन् तर नाफा घट्दा भने समाचारका पानामा मोटा अक्षरहरुमा उद्योगीलाई घाटा भनेर समाचार पढ्न र हेर्न पाइन्छ ।