भृकुटीमण्डपको जुत्ता चप्पल ब्यापार मेलामा ग्राहकको घुइँचो, स्वदेशी उत्पादनप्रति ग्राहककाे आर्कषण
नेपालबहस संवाददाता
फागुन १५, २०७६ बिहिबार २१:४३:३०
१५ फाल्गुण, काठमाडौं । नेपालका प्रतिष्ठित जुत्ताचप्पल उत्पादक कम्पनीहरुले काठमाडौंको भृकुटीमण्डपमा आयोजना गरेको जुत्ताचप्पल मेलामा ग्राहकको घुइँचो लागेको छ । भृकुटीमण्डपको भित्र छिर्ने बित्तिकै दायाँ साइडको सानो चौरमा लागेको मेलामा नेपालका पाँच प्रतिष्ठित जुत्ता कम्पनीहरुकाे उत्पादन ग्राहकको अत्यधिक रोजाइमा परेको छ ।
स्वदेशी उत्पादनका जुत्ताचप्पलले नेपालकाे बजार क्षेत्रमा लामो इतिहास बोकेका प्रतिष्ठित कम्पनीहरु शिखर शु, वीएफ डीयरहील, ल्यान्डवाक, रन शु र शु ल्याण्डले आयोजना गरेको मेलामा बच्चादेखि जेष्ठ नागरिकसम्मका महिला पुरुषका लागि उपयुक्त हुने करिब दुईहजार मोडलका जुत्ता चप्पल रहेका छन् ।
एकसय देखि एक हजारसम्मका चप्पल र २ सय ५० देखि आठ हजारसम्मका जुत्ता पाइने उक्त मेलामा १५ देखि ५० प्रतिशतसम्म छुट दिइएकोमा ग्राहक पनि दङ्ग परेका छन् । ग्राहकसँग प्रत्यक्ष भेटघाटको लागि मेलाको आयोजना गरिएको बताउदै आएको आयोजक पनि यो मेलाबाट सन्तुष्ट देखिएको छ ।
हामीले नेपालको अर्थतन्त्र धारासायी भयो भन्छौं तर नेपालमा उत्पादित बस्तुको प्रयोग भन्दा बिदेशी बस्तुको प्रयोग तिर बढी ध्यान दिन्छौं । नुवाकोटबाट काठमाडौ आएर मेलामा जुत्ता किन्दै गरेका प्रवीण श्रेष्ठले नेपालबहससँगको कुराकानीमा भने ।देशको अर्थतन्त्र बलियो बनाउन नेपालमा उत्पादित बस्तुको प्रयोग बढाउन समेत उनले सबैलाई आग्रह गरेका छन् ।
मेलामा भेटिएका चावाहिलका दीपेन्द्र अग्रवालले पनि स्वदेशी उत्पादनमा ध्यान दिन सबैलाई आग्रह गर्दै यो मेलामा दिइएको छुटबाट आफू अचम्मित भएको भन्दै सबैलाई मेलाको भरपुर उपयाेग गर्न आग्रह गरे । मेला घुम्न भन्दै आएको थिए मुल्य सस्तो देखेपछि घर परिवारकै लागि जुत्ता चप्पल लिएर हिड्दै छु । झोलाभरि किनेका जुत्ता देखाउदै अग्रवालले भने ।
गत फागुन एक गतेदेखि २४ गतेसम्म मेलाको आयोजना गरिएको भएपनि ग्राहकको अत्यधिक माग आउन थालेपछि केही दिन मेलाकाे समय थप गर्ने योजनामा रहेको आयोजकले जनाएको छ ।
नेपालको परिवेश सुहाउँदो उत्पादनमा जोड दिएका छौं
होमनाथ उपाध्याय, बी एफ डियर हिल सुज
खाल्डाखुल्डी, उकाली-ओराली, हिमाल, पहाड, तराई अर्थात देशको परिवेश अनुसार हामीले उत्पादनमा जोड दिएका छौं । बिदेशी उत्पादनहरु नेपालको परिवेश सुहाउँदो नहुने हुँदा हाम्रो मुख्य जोड नेपालको परिवेशनै हो । अन्य देशहरुमा उत्पादित समानहरु तिनै देशको परिवेश अनुसार तयार गरिएको हुन्छ ती सामान नेपालको हावापानी र परिवेशमा टिकाउ हुदैन । त्यसैले सम्पुर्ण नेपालीहरुलाई नेपाली ब्रान्डका जुत्ता पुर्याउने उदेश्यका साथ लागि परेका छौ । सस्तो र सुपथ मुल्यमा जुत्ताचप्पल ग्राहक माझ पुर्याउने हाम्रो प्रमुख उदेश्य हो ।
ग्राहकसँग प्रत्यक्ष भेटघाटको लागि मेलाको आयोजना
रुद्र न्यौपाने, रन सुज
ग्राहकसँग प्रत्यक्ष भेटघाट नहुने हुँदा ग्राहकले कस्तो परिवर्तन मागेका छन् भन्ने थाहा हुदैन । त्यसैले ग्राहकसँग प्रत्यक्ष भेटघाट गर्न पनि मेलाको आयोजना गरिएको हो । क्रेता र बिक्रेता बीच सम्बन्ध राम्रो भयो भने नेपाली उत्पादनको महत्त्व बढ्छ । नेपाली उत्पादन बढ्नु भनेको देशको अर्थतन्त्रमा टेवा पुग्नु हो । हामीले उत्पादन गर्दै गरेका यी कम्पनीहरुले नेपालको अर्थतन्त्रमा केही टेवा पुगे पनि नेपालकाे ब्यापारघाटा भने कम हुन सकेको छैन । त्यसैले अब प्रत्येक नेपालीले नेपाली उत्पादनमा जोड दिने हो भने पक्कै पनि नेपाल अर्थतन्त्रमा निकै टेवा पुग्ने देखिन्छ, जसको सुरुवात हामीले गरेका छौ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपव्यवसायीलाई जरिवाना बढी भयोः वरिष्ठ उपाध्यक्ष श्रेष्ठ
माघ १५, २०८० सोमबार
तेस्रो मुलुकका लागि निर्यातको शुभारम्भ
माघ १२, २०८० शुक्रबार
महानगरविरूद्ध सडक व्यापारीले आन्दोलन गर्ने
माघ १२, २०८० शुक्रबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार
क्रिप्टो संस्थापक ब्याङ्म्यान–फ्राइडलाई २५ वर्ष जेल सजाय
चैत १६, २०८० शुक्रबार
अन्तर्राष्ट्रिय अदालतद्वारा गाजामा निर्बाध सहायता अनुमति दिन आदेश
चैत १६, २०८० शुक्रबार
सुदूरपश्चिम सरकारबाट नबाहिरए दलका नेता चौधरीलाई कारवाही गर्ने रञ्जिताको चेतावनी
चैत १६, २०८० शुक्रबार
आगामी वर्षको बजेट लेख्न अर्थ मन्त्रालयले बनायो समिति
चैत १६, २०८० शुक्रबार