सल्यानटारबाट १ हजार घरेलु मदिरा बरामद

१७ फागुन काठमाडौं । महानगरीय प्रहरी वृत्त किर्तिपुरबाट खटिएको प्रहरी टोलीले किर्तिपुर नगरपालिका ४ सल्यानटारमा अवैध घरेलु मदिरा बरामद गरेको छ ।

प्रहरीको टोलीले उत्पादन गरी रहेको अवस्थामा अवैध घरेलु मदिरा तयारी १ हजार लिटर र कच्चा पदार्थ ७ हजार लिटर, मदिरा बनाउने चिउरा १८ बोरा, सख्खर गुण १ पेटी, मदिरा बनाउने भाँडा ३ सेट सहित दोलखा घर भएको बर्ष ३३ को बलराम वि.क,लाई पक्राउ गरिएको छ । घटना सम्बन्धमा प्रहरीले अनुसन्धान गरिरहेको छ ।