कोरोनाको संक्रमण फैलिन नदिन अत्यावश्यक कदम चाल्न अन्तरिम आदेश

१९ फागुन काठमाडौं । सर्वोच्च अदालतले कोरोना भाइरसको संक्रमण फैलिन नदिनका लागि तत्काल अत्यावश्यक कदम चाल्न अन्तरिम आदेश जारी गरेको छ ।

अधिवक्ता पूर्ण राजवंशीले आइतबार कोरोनाको संक्रमण नियन्त्रका लागि अत्यावश्यक उपायहरु तत्काल अपनाउनु पर्ने मागसहित सर्वोच्चमा रिट दायर गरेका हुन् ।

उनले प्रधानमन्त्री तथा मन्त्रीपरिषद कार्यालय, स्वास्थ्य मन्त्रालयसहितलाई विपक्षी बनाएर दायर गरेको रिटमा न्यायाधीश तेजबहादुर केसीको इजलासले सुनुवाई गर्दै सरकारका नाममा अन्तरिम आदेश जारी गरेका हुन् ।

चीनमा महामारी तथा विश्वका ५७ भन्दा बढी देशमा कोरोना भाइरसको संक्रमण फैलिएको छ । नेपालमा एकजनालाई संक्रमण पुष्टि भए पनि उनी उपचारपछि निको भएर घर फर्किएका छन् ।