“निरोगी भएर सकुशल घर फर्किन पाउदा एकदमै खुसी छौं !”
नेपालबहस संवाददाता
फागुन १९, २०७६ सोमबार २२:४३:१५
१९ फागुन काठमाडौं । कोरोना भाइरस सङ्क्रमण नभएको पुष्टि भएपछि खरिपाटी क्वारन्टाइनमा रहेका सबै नेपाली सोमवार घर फर्किन लागेका छन् । चीनबाट फर्किएका नेपालीहरुले कोरोना भाइरसको सङ्क्रमणमुक्त अवस्थामा घर फर्कन पाउँदा खुशी लागेको बताएका हुन् ।
भक्तपुरको खरिपाटीमा दुई साता क्वारन्टाइनमा राखिएका १७५ जनालाई कोरोना भाइरसको सङ्क्रमण नभएको पुष्टि भएपछि आज घर फर्किएका छन् । दुई साताभन्दा अघि विशेष विमानमार्फत सरकारले चीनको वुहानबाट उद्धार गरेर ल्याएका उनीहरुमा सङ्क्रमण नभएको प्रयोगशाला परीक्षणबाट पुष्टि भएको समाचारमा जनाइएको छ ।
स्वास्थ्य मन्त्रालयका प्रवक्ता विकास देवकोटाका अनुसार कसैमा पनि सङ्क्रमण नदेखिएकाले खरिपाटी क्वारन्टाइनमा बसिरहेकाहरू सोमवार आफ्नो घर फर्किन लागेको बताएका छन् । चीनबाट फर्किएपनि कसैलाई सङ्क्रमण देखापर्न सक्छ भन्ने चिन्ता भएपनि प्रयोगशाला परीक्षणमा सबै ’नेगेटिभ’ देखिएपछि आफूलाई ढुक्क लागेको फर्किने तयारीमा रहेका उनीहरुले बताएका छन् ।
उनीहरुले खरिपाटीमा आफूहरूलाई सरकारले उचित रेखदेख र बसोबासको प्रबन्ध मिलाएको भन्दै सरकारको प्रशंसा समेत गरेको बीबीसी नेपाली सेवामा प्रकाशित समाचारमा उल्लेख छ । डाक्टरहरुले सर्वसाधारणहरूलाई कोरोनाभाइरसको सङ्क्रमणबाट नअत्तालिन सुझाव दिँदै मास्क प्रयोग गर्न, साबुनले नियमित हात धुन र भीडभाडमा नजान सुझाव दिएका छन् ।
यसैबीच, क्वारन्टाइनमा रहेका उनीहरुलाई आजै बेलुकी स्वास्थ्य तथा जनसङ्ख्या मन्त्री भानुभक्त ढकालसहितको सरकारी टोलीले बिदाइ गर्ने कार्यक्रम रहेको छ । बिदाइ कार्यक्रममा क्वारेन्टाइनमा रहेका कतिपयका आफन्त र परिवार पनि आउने स्वास्थ्य तथा जनसङ्ख्या मन्त्रालयले जनाएको छ ।
सुरुमा अब के होला ? भन्ने त्रास रहे पनि फागुन ४ गते क्वारेन्टाइन छिरेपछि सरकारले गरेको व्यवस्था देख्दा निकै खुशी लागेको क्वारेन्टाइनमा राखिएकाहरुले बताएका छन् । १६ दिनको बसाइमा बिहान बाहिर निस्किएर शारीरिक व्यायाम गर्ने, खेलकुद कार्यक्रममा सहभागी हुने, नाचगान गर्ने गर्दैमा बितेको क्वारेनटाइनमा बसेकाहरु बताउँछन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनेपाल–चीन सहायता परियोजनाको पहिलो बैठक सम्पन्न
बैशाख १३, २०८१ बिहिबार
डढेलोले खोटाङमा तेह्र घर खरानी
बैशाख १३, २०८१ बिहिबार
८० वर्षको उमेरमा नागरिकता
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
इलाम उपनिर्वाचनमा कांग्रेस
बैशाख १२, २०८१ बुधबार
खोटाङमा आगलागीबाट ७९ घर जले, एकको मृत्यु
बैशाख १३, २०८१ बिहिबार
नाम परिवर्तनका लागि दुई सयभन्दा बढी विद्यालय सम्पर्कमा
बैशाख १३, २०८१ बिहिबार
नेप्सेमा सामान्य गिरावट, २ अर्बभन्दा बढीको कारोबार
बैशाख १३, २०८१ बिहिबार
वैदेशिक रोजगारमा पठाइदिन्छु भन्दै ठगी गर्ने दुई जना पक्राउ
बैशाख १३, २०८१ बिहिबार
गण्डकीका शहरी क्षेत्रमा विद्युतीय सवारीसाधनको प्रयोग बढ्दो
बैशाख १३, २०८१ बिहिबार
उपनिर्वाचनलाई जातीय र धार्मिक दृष्टिले हेरिए सुरक्षामा चुनौती बढ्ने प्रहरीको विश्लेषण
बैशाख १३, २०८१ बिहिबार